റിപ്പബ്ലിക് ദിനാഘോഷങ്ങള്ക്ക് സമാപനം കുറിച്ച് ഡല്ഹിയില് ബീറ്റിംഗ് ദി റിട്രീറ്റ് നടന്നു... വിവിധ സേനാ വിഭാഗങ്ങളുടെ പ്രൗഢഗംഭീരമായ ബാന്ഡ് മേളത്തിന് രാഷ്ട്രപതിയും പ്രധാനമന്ത്രിയും സാക്ഷിയായി....
റിപ്പബ്ലിക് ദിനാഘോഷങ്ങള്ക്ക് സമാപനം കുറിച്ച് ഡല്ഹിയില് ബീറ്റിംഗ് ദി റിട്രീറ്റ് നടന്നു. വിവിധ സേനാ വിഭാഗങ്ങളുടെ പ്രൗഢഗംഭീരമായ ബാന്ഡ് മേളത്തിന് രാഷ്ട്രപതിയും പ്രധാനമന്ത്രിയും സാക്ഷിയായി.
സൈനിക ശക്തിയുടെ വിളംബരമായ റിപ്പബ്ലിക്ക് ദിന പരേഡില് തുടങ്ങിയ ആഘോഷത്തിനാണ് സേനകളുടെ കലാപ്രകടനത്തോടെ സമാപനം കുറിച്ചത്. ശംഖ നാദത്തോടെ വൈകുന്നേരത്തോടെ വിജയ് ചൗക്കില് തുടങ്ങിയ സംഗീത വിരുന്നില് 31 ഈണങ്ങളാണ് കാഴ്ചക്കാര്ക്ക് മുന്നില് അവതരിപ്പിച്ചത്. വിവിധ സേനാവിഭാഗങ്ങളുടെ ബാന്ഡ് സംഘം ചടങ്ങിലുടനീളം ഇന്ത്യന് ക്ലാസിക്കല് സംഗീതത്തെ അടിസ്ഥാനമാക്കിയ ഈണങ്ങള് അവതരിപ്പിക്കുകയും ചെയ്തു.
സായുധസേനകളുടെ നേതൃത്വത്തില് വിജയ ഭാരത് എന്ന ഈണം വിജയ് ചൗക്കില് മുഴങ്ങിയപ്പോള് കാണികളും വളരെ ആഘോഷത്തിലായി. രാഷ്ട്രപിതാവ് ഗാന്ധിജിയെ അനുസ്മരിച്ച് വ്യോമസേന സംഘം പ്രകടനം നടത്തുകയും ചെയ്തു.
https://www.facebook.com/Malayalivartha
