വിമാനത്തിനുള്ളിൽ കയറി എയർ ഇന്ത്യ വിമാനം തകർക്കുമെന്ന് ഭീഷണി. ഡോക്ടറെ വിമാനത്തിൽനിന്ന് തിരിച്ചിറക്കി കേസെടുത്തു. ഗുജറാത്തിലെ സൂറത്തിലേക്കുള്ള വിമാനത്തിലാണ് നാടകീയമായ സംഭവ വികാസങ്ങൾ അരങ്ങേറിയത്.

ബാഗ് മുൻനിരയിലെ സീറ്റുകളിലൊന്നിൽ ഇട്ടശേഷം ഇതെടുക്കാൻ എയർഹോസ്റ്റസിനോട് ആവശ്യപ്പെടുകയായിരുന്നു. ഇതേ തുടർന്ന് ഇവർക്കിടയിൽ തർക്കമുണ്ടായി. ഈ സമയത്താണ് വിമാനം തകർക്കുമെന്ന് ഭീഷണിഡോകടർ ഉന്നയിച്ചത് .

യെലഹങ്ക സ്വദേശി ഡോ.വ്യാസ് ഹീരൽ മോഹൻഭായി (36)ക്കെതിരെയാണ് വിമാനത്താവള പൊലീസ് കേസെടുത്തത്. പൈലറ്റ് ഇടപെട്ടിട്ടും പ്രശ്നം അവസാനിപ്പിക്കാൻ സാധിച്ചില്ല. ഇതോടെയാണ് പൊലീസ് ഇടപെട്ട് ഇയാളെ തിരിച്ചിറക്കുന്ന തരത്തിലേക്ക് കാര്യങ്ങൾ നയിക്കപ്പെട്ടത്.