കനത്ത മഴയെ തുടർന്ന് മതിലിടി‍ഞ്ഞുവീണ് അമ്മയും മകളും മരിച്ചു. കടലൂരിലാണ് സംഭവം. അയൽവാസിയുടെ മതിലാണ് ഇടിഞ്ഞുവീണത്. ചിദംബരം സ്വദേശികളായ യശോധയും മകൾ ജയയുമാണ് മരിച്ചത്.

അടച്ചുറപ്പില്ലാത്ത വീട്ടിലാണ് അമ്മയും മകളും കഴിഞ്ഞിരുന്നത്. കനത്ത മഴയിലും ഇവർ ഈ വീട്ടിലാണ് ഉണ്ടായിരുന്നത്. മഴ കനത്തതോടെ വീടിനോട് ചേർന്നുള്ള മതിൽ ഇടിഞ്ഞുവീഴുകയായിരുന്നു. പ്രദേശവാസികൾ എത്തി ഇവരെ രക്ഷിക്കാൻ ശ്രമിച്ചെങ്കിലും മരിച്ചിരുന്നു. സംഭവത്തിൽ പൊലീസ് കേസെടുത്ത് അന്വേഷണം തുടങ്ങി.