പശ്ചിമേഷ്യയിലെ സംഘർഷ സാഹചര്യത്തിൽ ഇന്ധന ചെലവ് കുറയ്ക്കണമെന്ന നിർദേശവുമായി പ്രധാനമന്ത്രി നരേന്ദ്ര മോദി. ജനങ്ങൾ പെട്രോളും ഡീസലും വിവേകപൂർവം ഉപയോഗിക്കണം. ഇന്ധനച്ചെലവ് കുറക്കാനായി ഇത് സഹായിക്കും. നമ്മുടെ വിദേശനാണ്യത്തെ സംരക്ഷിക്കാനായി ഒരു വർഷത്തേക്ക് സ്വർണം വാങ്ങരുതെന്നും പ്രധാനമന്ത്രി ജനങ്ങളോട് അഭ്യർഥിക്കുകയും ചെയ്തു.

ദേശീയതാൽപര്യം മുൻനിർത്തി വർക്ക് ഫ്രം ഹോം, ഓൺലൈൻ കോൺഫറൻസ്, വിർച്വൽ മീറ്റീങ് എന്നിവ വീണ്ടും തുടങ്ങണം. പെട്രോൾ-ഡീസൽ വില വലിയ രീതിയിൽ വർദ്ധിക്കുകയാണ്. ഈയൊരു സാഹചര്യത്തിൽ നമ്മുടെ വിദേശനാണ്യം സംരക്ഷിക്കുകയെന്നത് എല്ലാവരുടേയും ഉത്തരവാദിത്തമാണെന്നും പ്രധാനമന്ത്രി .

ജനങ്ങൾ സാധ്യമെങ്കിൽ പെട്രോളിന്റെയും ഡീസലിന്റെയും ഉപയോഗം കുറയ്ക്കാനും മെട്രോ ട്രെയിനുകൾ പോലുള്ള പൊതുഗതാഗത മാർഗങ്ങൾ ഉപയോഗിക്കാനും പ്രധാനമന്ത്രി ആഹ്വാനം ചെയ്യുകയും ചെയ്തു. വിവാഹങ്ങൾക്കും അവധിക്കാല യാത്രകൾക്കുമായി വിദേശത്തേക്ക് പോകുന്ന സംസ്‌കാരം വളർന്നുവരുന്നതായി പ്രധാനമന്ത്രി പറഞ്ഞു, നിലവിലെ പ്രതിസന്ധി ഘട്ടത്തിൽ യാത്രകൾ മാറ്റിവയ്ക്കണമെന്നും മോദി.