രാജ്യത്തെ ഇന്ധന ഉപയോഗത്തില് കരുതല് വേണമെന്ന് ആവര്ത്തിച്ച് പ്രധാനമന്ത്രി മോദി
ലോകം കണ്ട ഏറ്റവും വലിയ പ്രതിസന്ധിയാണ് പശ്ചിമേഷ്യന് യുദ്ധമെന്നും, ഈ പശ്ചാത്തലത്തില് രാജ്യത്തെ ഇന്ധന ഉപയോഗത്തില് കരുതല് വേണമെന്ന് ആവര്ത്തിച്ച് പ്രധാനമന്ത്രി നരേന്ദ്ര മോദി. വഡോദരയില് നടന്ന യോഗത്തിലാണ് പ്രധാനമന്ത്രി മോദി ഏഴ് നിര്ദ്ദേശങ്ങള് ആവര്ത്തിച്ചത്. നിലവിലെ പ്രതിസന്ധി രാജ്യം അതിജീവിക്കുമെന്നും പ്രധാനമന്ത്രി പറഞ്ഞു.
ഇന്ധന ഉപയോഗത്തില് കൊവിഡ് കാലത്തെ പോലെ നിയന്ത്രണം വേണം എന്നാണ് പ്രധാനമന്ത്രി കഴിഞ്ഞ ദിവസം ഹൈദരാബാദില് നടന്ന യോഗത്തില് അഭ്യര്ത്ഥിച്ചത്. ആഗോള തടസങ്ങളും വെല്ലുവിളികളും നേരിടാന് ജനങ്ങളുടെ കൂട്ടായ പങ്കാളിത്തം വേണമെന്നും അദ്ദേഹം അഭ്യര്ത്ഥിച്ചു. അന്താരാഷ്ട്ര വിപണിയിലുണ്ടായ വിലക്കയറ്റം നേരിടാന് പുതിയ സാമ്പത്തിക നയങ്ങളും നിര്ദ്ദേശിച്ചു. രാജ്യത്തെ വിദേശനാണ്യ ശേഖരം സംരക്ഷിക്കാനായി വിദേശയാത്രകളും വിദേശത്തുനടത്തുന്ന വിവാഹങ്ങളും ഒഴിവാക്കണമെന്നും അടുത്ത വര്ഷം അത്യാവശ്യമില്ലാതെ സ്വര്ണം വാങ്ങരുതെന്നും ജനങ്ങളോട് അഭ്യര്ത്ഥിച്ചു.
ഇന്ധന ഉപഭോഗം കുറയ്ക്കാന് മെട്രോ ട്രെയിനുകളും മറ്റ് പൊതുഗതാഗത സംവിധാനങ്ങളും ഉപയോഗിക്കണം. കാര് പൂളിംഗ് പ്രോത്സാഹിപ്പിക്കണം. ചരക്കുനീക്കത്തിന് റെയില്വേയ്ക്ക് മുന്ഗണന നല്കണം. ഇലക്ട്രിക് വാഹനങ്ങളുടെ ഉപയോഗം വര്ദ്ധിപ്പിക്കണം. വര്ക്ക് ഫ്രം ഹോം, വീഡിയോ കോണ്ഫറന്സിംഗ് സംവിധാനങ്ങള് പ്രയോജനപ്പെടുത്തണമെന്നും പ്രധാനമന്ത്രി പറഞ്ഞു.
https://www.facebook.com/Malayalivartha
