തിരുവനന്തപുരം - കണ്ണൂർ, തിരുവനന്തപുരം - കോഴിക്കോട് ജനശതാബ്ദി ട്രെയിനുകളുടെ സൂപ്പർഫാസ്റ്റ് പദവി റെയിൽവേ പിൻവലിച്ചു. തിരുവനന്തപുരം - കോഴിക്കോട് ജനശതാബ്ദിയുടെ പുതിയ നമ്പർ 16376/75, തിരുവന്തപുരം - കണ്ണൂർ ജനശതാബ്ദിയുടെ പുതിയ നമ്പർ 16380/79. 2027 ജനുവരി ഒന്നിന് പ്രാബല്യത്തിൽ വരും. സൂപ്പർഫാസ്റ്റ് സർചാർജ് ഒഴിവാകുന്നതോടെ എ.സി യാത്രയ്ക്ക് 45 രൂപയും നോൺ-എ.സി യാത്രയ്ക്ക് 15 രൂപയും വരുന്ന സൂപ്പർഫാസ്റ്റ് സർചാർജ് ഈടാക്കുകയില്ല.

ഇത് ടിക്കറ്റ് നിരക്കിൽ കുറവ് വരുത്തുമെന്ന് അധികൃതർ . ടിക്കറ്റ് നിരക്കിലെ കുറവും ട്രെയിൻ നമ്പറിലെ മാറ്റവും ഒഴിച്ചുനിർത്തിയാൽ, ട്രെയിനുകളുടെ സ്റ്റോപ്പുകളിൽ യാതൊരു മാറ്റവുമുണ്ടാകില്ല. വിവിധ സ്റ്റേഷനുകളിൽ ട്രെയിൻ എത്തിച്ചേരുന്നതും പുറപ്പെടുന്നതുമായ നിലവിലെ സമയക്രമം മാറ്റമില്ലാതെ തുടരുമെന്നാണ് റിപ്പോർട്ടുകളുള്ളത്. ലോകമാന്യതിലക് - തിരുവനന്തപുരം ഗരീബ് രഥ്, എറണാകുളം - പട്‌ന ട്രെയിനുകളും സാധാരണ എക്‌സ്പ്രസുകളായി മാറുകയും ചെയ്യും.