സാധാരണ കുട്ടികള്‍ എഴുതാനും വായിക്കാനും പഠിക്കുന്ന പ്രായമേ അനന്യ വര്‍മ്മ എന്ന കുരുന്നിനുള്ളൂ. നാല്് വയസ്സ്. പഠിക്കുന്നത് ഒമ്പതാം ക്ലാസിലും.ആശ്ചര്യപെടേണ്ട.ബുദ്ധശക്തി കണ്ടറിഞ്ഞ ലക്‌നൗ സ്‌കൂള്‍ അധികൃതരാണ് അനന്യയ്ക്ക് നേരിട്ട് ഒമ്പതാം ക്ലാസ് പ്രവേശനം നല്‍കിയത്. ഇംഗ്ലീഷ് അനായാസം സംസാരിക്കും അനന്യ. മുതിര്‍ന്നവരെ പോലെയാണ് പത്രവായന.
ഏഴ് വയസ്സിന് മുമ്പ് പത്താം ക്ലാസ് പാസായാല്‍ അനന്യയെ കാത്തിരിക്കുന്നത് ലിംക ബുക്ക് ഓഫ് റെക്കോര്‍ഡാണ്. ഏറ്റവും കുറഞ്ഞ പ്രായത്തില്‍ പത്ത് പാസായെന്ന ഖ്യതി അതോടെ അനന്യയുടെ പേരിനൊപ്പം ചേരും. നാല് വയസ്സും എട്ട് മാസവും 21 ദിവസവും പ്രായമുള്ളപ്പോഴാണ് അനന്യയ്ക്ക് ലക്‌നൗവിലെ സെന്റ് മീരാ ഇന്റര്‍ കോളേജില്‍ അഡ്മിഷന്‍ ലഭിച്ചത്.
ഒരു വയസ്സും ഒമ്പത് മാസവും പ്രായമുള്ളപ്പോള്‍ അനന്യ രാമായണം വായിക്കാന്‍ തുടങ്ങി. പഠിക്കാന്‍ അവളെ ഒരിക്കലും നിര്‍ബന്ധിച്ചിട്ടില്ല. ബുദ്ധിശക്തിയുള്ള മക്കളാല്‍ അനുഗ്രഹിക്കെപ്പെട്ട കുടുംബമാണ് ഞങ്ങളുടേത്.
2011 ഡിസംബര്‍ ഒന്നിനാണ് അനന്യ ജനിച്ചത്. അനന്യയ്ക്ക് ഒരു സഹോദരനും സഹോദരിയുമുണ്ട്. ബുദ്ധശക്തിയില്‍ അവരും അനന്യയെ പോലെ തന്നെ. 14 വയസ്സില്‍ ബിസിഎ പാസായ ആള്‍ ആണ് സഹോദരന്‍ ശൈലേന്ദ്ര. പതിനഞ്ച് വയസ്സുള്ളപ്പോള്‍ മുതിര്‍ന്ന സഹോദരി സുഷമ പിഎച്ച്ഡിക്ക് അഡ്മിഷന്‍ നേടി. 13 വയസ്സുള്ളപ്പോള്‍ ബിരുദപഠനവും പൂര്‍ത്തിയാക്കി.
ഏറ്റവും കുറഞ്ഞ പ്രായത്തില്‍ പത്ത് പാസ്സായതിന്റെ ലിംകാ റെക്കോര്‍ഡ് 2007ല്‍ സ്വന്തമാക്കിയ ആളാണ് സുഷമ. ഏഴ് വയസ്സും മൂന്ന് മാസവും 28 ദിവസവുമാണ് സുഷമയുടെ റെക്കോര്‍ഡ്. ഈ റെക്കോര്‍ഡിന് ആണ് അനിയത്തി അനന്യ വെല്ലുവിളി ഉയര്‍ത്തിയിരിക്കുന്നത്‌