കോടതി വാര്ത്തകള് റിപ്പോര്ട്ട് ചെയ്യുമ്പോള് ജഡ്ജിമാരുടെയും അഭിഭാഷകരുടെയും പേര് പരമാര്ശിക്കരുതെന്ന് മദ്രാസ് ഹൈക്കോടതി
കോടതി വാര്ത്തകള് റിപ്പോര്ട്ട് ചെയ്യുമ്പോള് ജഡ്ജിമാരുടെയും അഭിഭാഷകരുടെയും പേര് പരാമര്ശിക്കരുതെന്ന് മാധ്യമപ്രവര്ത്തകരോട് മദ്രാസ് ഹൈക്കോടതിയുടെ മധുര ബെഞ്ച്. ജസ്റ്റിസ് നൂട്ടി രാമമോഹന റാവു, ജസ്റ്റിസ് എസ് എസ് സുന്ദര് എന്നിവരുടെ നിര്ദേശാനുസരണം രജിസ്ട്രാറാണ് (അഡ്മിനിസ്ട്രേഷന്)ഇതുസംബന്ധിച്ച അറിയിപ്പ് നല്കിയത്. അത്യാവശ്യ സന്ദര്ഭങ്ങളില് മാത്രം ജഡ്ജിമാരുടെ പേരുകള് പരാമര്ശിക്കുന്നതാണ് ഉചിതമെന്ന് പറയുന്ന നിര്ദേശത്തില് ഹൈക്കോടതിയെന്നു മാത്രമേ പരാമര്ശിക്കാവൂ എന്നും വ്യക്തമാക്കുന്നു.
ബാലപീഡനത്തിന് നഷ്ടപരിഹാരം ആവശ്യപ്പെട്ട് അഞ്ച് ദളിത് കുട്ടികള് നല്കിയ ഹര്ജിക്ക് അഭിഭാഷകന് പ്രചാരണം നല്കിയെന്നും അഭിഭാഷകനെതിരെ നടപടിയെടുക്കണമെന്നും ആവശ്യപ്പെട്ട് പുതിയതമിഴകം പാര്ട്ടി പ്രവര്ത്തകന് നല്കിയ ഹര്ജി തീര്പ്പാക്കിക്കൊണ്ടാണ് മധുര ബെഞ്ചിന്റെ നിര്ദേശം. അഭിഭാഷകനെതിരെ ആവശ്യമായ നടപടി സ്വീകരിക്കാന് തമിഴ്നാട് ബാര് അസോസിയേഷനോടും പോണ്ടിച്ചേരി ബാര് അസോസിയേഷനും കോടതി നിര്ദേശിച്ചു.
https://www.facebook.com/Malayalivartha
