തിരക്കിനനുസരിച്ച് ട്രെയിന് ടിക്കറ്റ് നിരക്ക് കൂടും
ട്രെയിന് ടിക്കറ്റ് നിരക്ക് നിര്ണയം ഇനി വിമാന നിരക്കുകളുടെ മാതൃകയിലും. റെയില്വേയില് തിരക്കിനനുസരിച്ച് നിരക്ക് മാറുന്ന രീതിയാണ് വരുന്നത്. പരീക്ഷണാടിസ്ഥാനത്തില് വെള്ളിയാഴ്ച മൂന്ന് പ്രീമിയം ട്രെയിനുകളില് നിരക്ക് കൂടും. രാജധാനി, ശതാബ്ദി, തുരന്തോ ട്രെയിനുകളിലാണ് നിരക്ക് വര്ധന. എല്ലാ ടിക്കറ്റിനും അടിസ്ഥാനനിരക്കിന്റെ 10% വര്ധിക്കും. റിസര്വേഷന് നിരക്ക്, സൂപ്പര്ഫാസ്റ്റ് നിരക്ക്, കാറ്ററിങ് നിരക്ക്, സേവന നികുതി എന്നിവ ഇതിനുപുറമേ പതിവുപോലെ ഈടാക്കും.
ഫസ്റ്റ് ക്ലാസ് എസി, എക്സിക്യൂട്ടീവ് സീറ്റുകള്ക്ക് നിരക്ക് വര്ധനവില്ല. അതേസമയം, പുതിയ രീതിയനുസരിച്ച് ഇവ രണ്ടിനും മുകളിലാണ് ടിക്കറ്റ് നിരക്ക് വരുന്നതെങ്കില് സീറ്റ് അപ്ഗ്രേഡ് ചെയ്യാനുള്ള സംവിധാനമുണ്ട്. റിസര്വേഷന് പട്ടികയായതിനുശേഷവും വിറ്റുപോകാത്ത ടിക്കറ്റുകളുണ്ടെങ്കില് ട്രെയിന് പുറപ്പെടുന്നതിനു മുന്പുവരെ അവ റിസര്വ് ചെയ്യാനുള്ള സംവിധാനവും നിലവില് വരും.
റെയില്വേയുടെ പുതിയ രീതി ഉല്സവ സമയത്തും അവധി സമയത്തും യാത്രക്കാര്ക്ക് അധിക ചെലവുണ്ടാക്കുമെന്നാണ് വിലയിരുത്തല്. അതിനാല്തന്നെ പാസഞ്ചേഴ്സ് അസോസിയേഷന് ഉള്പ്പെടെയുള്ളവര് വിമര്ശനവുമായി രംഗത്തെത്തിയിട്ടുണ്ട്.
https://www.facebook.com/Malayalivartha
