ഡല്‍ഹിയില്‍ രണ്ട് പെണ്‍കുട്ടികള്‍ കൂട്ടബലാത്സംഗത്തിന് ഇരയായി. ഔട്ടര്‍ ഡല്‍ഹിയിലെ അമന്‍ വിഹാറില്‍ സുഹൃത്തുക്കള്‍ക്കൊപ്പം പാര്‍ക്ക് സന്ദര്‍ശിക്കാന്‍ വന്ന പെണ്‍കുട്ടികളാമാ പീഡിപ്പിക്കപ്പെട്ടത്. സംഭവവുമായി ബന്ധപ്പെട്ട് നാലുപേരെ പൊലീസ് അറസ്റ്റ് ചെയ്തു.

വ്യാഴാഴ്ച രാത്രി 8.30 നാണ് സംഭവം. പാര്‍ക്കിന് സമീപത്തുകൂടി പോയ അഞ്ചുപേര്‍ പെണ്‍കുട്ടികളോട് അപമര്യാദയായി പെരുമാറാന്‍ തുടങ്ങി. ഒപ്പമുണ്ടായിരുന്ന ആണ്‍ സുഹൃത്തുകള്‍ എതിര്‍ത്തെങ്കിലും അവരെ മര്‍ദ്ദിച്ച് അവശരാക്കുകയായിരുന്നു. തുടര്‍ന്നാണ് പെണ്‍കുട്ടികളെ ബലാത്സംഗത്തിന് ഇരയാക്കിയത്.

പെണ്‍കുട്ടികള്‍ രണ്ടുപേരും അബോധാവസ്ഥയില്‍ ആയതോടെ യുവാക്കള്‍ രക്ഷപെട്ടു. ആണ്‍ സുഹൃത്തുക്കളാണ് പൊലീസിനെ വിവരം അറിയിച്ചത്. പെണ്‍കുട്ടികള്‍ ബലാത്സംഗത്തിന് ഇരയായതായി വൈദ്യപരിശോധനയില്‍ തെളിഞ്ഞിട്ടുണ്ട്.