കാവേരി പ്രശ്നം: തമിഴ്നാട്ടില് ബന്ദിന് സമ്മിശ്ര പ്രതികരണം; സ്റ്റാലിന്, കനിമൊഴി അടക്കമുള്ള നേതാക്കളെ അറസ്റ്റു ചെയ്തു
കാവേരി നദീജല പ്രശ്നത്തിന്റെ പേരില് തമിഴ്നാട്ടില് ആഹ്വാനം ചെയ്ത ബന്ദിന് സമ്മിശ്ര പ്രതികരണം. പ്രതിഷേധ പ്രകടനങ്ങള്ക്കിടെ ഡിഎംകെ നേതാവ് എം.കെ. സ്റ്റാലിന്, കനിമൊഴി തുടങ്ങിയവരെ അറസ്റ്റു ചെയ്തു.
പ്രകടനക്കാര് ട്രെയിനുകള് തടഞ്ഞു. സ്വകാര്യ ബസുകളും ഓട്ടോറിക്ഷകളും നിരത്തിലിറങ്ങിയില്ല.
കോളജും സ്കൂളുകളും അടക്കമുള്ള വിദ്യാഭ്യാസ സ്ഥാപനങ്ങള് അടഞ്ഞു കിടന്നു. കര്ഷക, വ്യാപാര സംഘടനകളും ട്രാന്സ്പോര്ട്ട് യൂണിയനുകളും സംയുക്തമായി ആഹ്വാനം ചെയ്ത ബന്ദില് പെട്രോള് പമ്പ് ഉള്പ്പെടെയുള്ളവ അടഞ്ഞു കിടക്കുകയാണ്. ഡിഎംകെ, പിഎംകെ, എംഡിഎംകെ, ഇടതുപാര്ട്ടികള്, വികെസി, ടിവികെ, ടിഎംസി തുടങ്ങിയവയുടെ പിന്തുണയോടെയാണ് ബന്ദ്.
ബന്ദിന്റെ പശ്ചാത്തലത്തില് തമിഴ്നാട്ടിലുള്ള കന്നഡക്കാരുടെ ജീവനും സ്വത്തിനും സംരക്ഷണം ഉറപ്പാക്കണമെന്നാവശ്യപ്പെട്ടു കര്ണാടക മുഖ്യമന്ത്രി സിദ്ധരാമയ്യ തമിഴ്നാട് മുഖ്യമന്ത്രി ജെ. ജയലളിതയ്ക്കു കത്തയച്ചിരുന്നു. കര്ണാടകയില് ഉണ്ടായ പ്രതിഷേധങ്ങള്ക്കിടെ തമിഴ്നാട്ടില്നിന്നുള്ള വാഹനങ്ങള് അഗ്നിക്കിരയാക്കിയിരുന്നു.
https://www.facebook.com/Malayalivartha
