ഉറി ഭീകരാക്രമണത്തിന്റെ പശ്ചാത്തലത്തില്‍ പാകിസ്ഥാന്‍ യുദ്ധത്തിന് തയ്യാറെടുക്കുകയാണെങ്കില്‍ യുദ്ധത്തിന് ഞങ്ങളും ഒരുക്കമാണെന്ന് ഇന്ത്യന്‍ ഗുസ്തി താരം വിജേന്ദര്‍ സിംഗ്. ഉറിയിലെ ഭീകരാക്രമണത്തില്‍ പതിനേഴു ഭടന്മാര്‍ കൊല്ലപ്പെട്ടതിന് ട്വിറ്ററില്‍ അനുശോചനം രേഖപ്പെടുത്തിയതിന്റെ കൂടെയാണ് വിജേന്ദര്‍ ഇക്കാര്യം വ്യക്തമാക്കിയത്.

17 പട്ടാളക്കാരുടെ മരണത്തിനിടയാക്കിയ ഉറി ഭീകരാക്രമണത്തില്‍ അനുശോചനം രേഖപ്പെടുത്തുന്നുവെന്നും പാകിസ്താന്‍ യുദ്ധത്തിന്റെ വഴിയാണ് തെരഞ്ഞെടുക്കുന്നതെങ്കില്‍ അതിന് തയ്യാറാണെന്നും വിജേന്ദര്‍ തന്റെ ട്വീറ്റില്‍ പറയുന്നു.ജമ്മു-കശ്മീരിലെ ഉറിയില്‍ സൈനിക ബ്രിഗേഡ് ആസ്ഥാനത്തിന് നേരെയാണ് ഞായറാഴ്ച പുലര്‍ച്ച 5.30 ഓടെയാണ് ഭീകരാക്രമണമുണ്ടായത്. 17 സൈനികരാണ് ഭീകരാക്രമണത്തില്‍ കൊല്ലപ്പെട്ടത്.

ആക്രമണം നടത്തിയ നാല് ഭീകരരെയും സൈന്യം പ്രത്യാക്രമണത്തില്‍ വധിച്ചിരുന്നു. ആറ് സൈനികര്‍ക്കാണ് ആക്രമണത്തില്‍ പരിക്കേറ്റത്. ഇവരെ ഹെലികോപ്റ്ററില്‍ ശ്രീനഗറിലെ ആര്‍മി ആശുപത്രിയിലേക്ക് മാറ്റി.
കശ്മീര്‍ ഭീകരാക്രമണത്തെത്തുടര്‍ത്ത് കേന്ദ്ര ആഭ്യന്തരമന്ത്രി രാജ്നാഥ് സിങിന്റെ വിദേശയാത്രകള്‍ മാറ്റിവെച്ചു. സംഭവം വിലയിരുത്താന്‍ മന്ത്രി അടിയന്തരയോഗം വിളിച്ചിട്ടുണ്ട്.

കശ്മീരിലെ ഗവര്‍ണറുമായും മുഖ്യമന്ത്രിയായും സംസാരിച്ചെന്നും സ്ഥിതിഗതികളെ കുറിച്ച അവര്‍ വ്യക്തമായ വിശദീകരണം നല്‍കിയെന്നും കേന്ദ്ര ആഭ്യന്തരമന്ത്രി രാജ്നാഥ് സിങ്ങ് ട്വീറ്റ് ചെയ്തിരുന്നു.