കശ്മീരിലെ ഉറിയില്‍ വീണ്ടും പാക് പ്രകോപനം. പാക് സൈന്യം ഇന്ത്യന്‍ പോസ്റ്റുകള്‍ക്കു നേരെ വെടിയുതിര്‍ത്തു. നിയന്ത്രണ രേഖയ്ക്ക് സമീപം 20 തവണയാണ് വെടിവെപ്പുണ്ടായത്. വെടിവെപ്പ് നടത്തിയ പാക് ഭീകരര്‍ക്ക് തദ്ദേശീയരുടെ സഹായം ലഭിച്ചിട്ടുള്ളതായി ഇന്ത്യന്‍ രഹസ്യാന്വേഷണ ഏജന്‍സി റോ (റിസര്‍ച്ച് ആന്റ് അനാലിസിസ് വിങ്) ആഭ്യന്തരമന്ത്രാലയത്തിന് റിപ്പോര്‍ട്ട് സമര്‍പ്പിച്ചു. പ്രദേശത്ത് രണ്ടു മണിക്കൂറോളം ചെലവഴിച്ച ശേഷമാണ് ബ്രിഗേഡിയര്‍ ആസ്ഥാനത്ത് എത്തി ഭീകരര്‍ ആക്രമണം നടത്തിയിരിക്കുന്നതെന്ന് റിപ്പോര്‍ട്ടില്‍ പറയുന്നു. 
പാകിസ്ഥാന് ശക്തമായ തിരിച്ചടി നല്‍കുമെന്ന് പ്രതിരോധ സഹമന്ത്രി വ്യക്തമാക്കി