പാക് വാര്ത്താ സമ്മേളനത്തില് നിന്ന് ഇന്ത്യന് മാധ്യമപ്രവര്ത്തകരെ പുറത്താക്കി
പാക് വിദേശകാര്യ സെക്രട്ടറിയുടെ വാര്ത്താ സമ്മേളനത്തില്നിന്ന് ഇന്ത്യന് മാധ്യമപ്രവര്ത്തകരെ പുറത്താക്കി. ഇന്ത്യാ-പാക് സംഘര്ഷം നിലനില്ക്കുന്നതിനിടെയാണ് യുഎന് ജനറല് അസംബ്ലിയുടെ ഭാഗമായി ന്യൂയോര്ക്കിലെ റൂസ്വെല്റ്റ് ഹോട്ടലില് പാക് വിദേശകാര്യ സെക്രട്ടറി ഐസാസ് അഹമ്മദ് ചൗധരി വിളിച്ചു ചേര്ത്ത വാര്ത്താ സമ്മേളനത്തില്നിന്ന് ഇന്ത്യന് മാധ്യമപ്രവര്ത്തകയെ പുറത്താക്കിയത്.
'ഈ ഇന്ത്യക്കാരനെ പുറത്താക്കൂ' എന്ന് ആവശ്യപ്പെട്ടുകൊണ്ട് എന്ഡിടിവിയുടെ നമ്രതാ ബ്രാറിനെ വാര്ത്താ സമ്മേളനം നടന്ന മുറിയില്നിന്ന് പുറത്താക്കുകയായിരുന്നു. ഒറ്റ ഇന്ത്യന് മാധ്യമപ്രവര്ത്തകനെയും വാര്ത്താ സമ്മേളനത്തില് പങ്കെടുക്കാന് അനുവദിച്ചില്ല.
ഉറി സംഭവത്തിന് ശേഷം അതിനെക്കുറിച്ചുള്ള ചോദ്യങ്ങള് ഒഴിവാക്കാനായിരുന്നു പാക് അധികൃതരുടെ ശ്രമം. ഭീകരാക്രമണത്തെക്കുറിച്ച് പ്രതികരിക്കാന് യുഎന് സമ്മേളനത്തിനെത്തിയ പാക് പ്രധാനമന്ത്രി നവാസ് ഷെരീഫും തയ്യാറായിരുന്നില്ല. നവാസ് ഷെരീഫിനോട് ഇക്കാര്യം ചോദിച്ച ഇന്ത്യന് മാധ്യമ പ്രവര്ത്തകനെ സുരക്ഷാ ഉദ്യോഗസ്ഥന് തള്ളി മാറ്റുന്ന ദൃശ്യം പുറത്ത് വന്നിരുന്നു.
https://www.facebook.com/Malayalivartha
