രോഗികള്‍ സര്‍ക്കാര്‍ ആശുപത്രികളോട് വിമുഖത കാണിച്ച് സ്വകാര്യ ആശുപത്രികളെ സമീപിക്കുന്നത് വെറുതെയല്ല. ഇതല്ലേ അവസ്ഥ. പക്ഷെ പാവപ്പെട്ട സാധുരോഗികള്‍ക്ക് സര്‍ക്കാര്‍ ആശുപത്രി തന്നെ ആശ്രയം. അവര്‍ക്ക് ഇങ്ങനെയുള്ള പീഢനങ്ങള്‍ അനുഭവിക്കേണ്ടി വരും. അതിന് അടുവരയിടുന്ന വണ്ണമാണ് ജാര്‍ഖണ്ഡിലെ സര്‍ക്കാര്‍ ആശുപത്രിയില്‍ നിന്നും ഞെട്ടിപ്പിക്കുന്ന വാര്‍ത്തകളാണ് പുറത്തു വന്നിരിക്കുന്നത്.

ജാര്‍ഖണ്ഡ് തലസ്ഥാനമായ റാഞ്ചിയിലെ സര്‍ക്കാര്‍ ആശുപത്രി വാര്‍ഡിലെ തറയില്‍ വിളമ്പിയ ഭക്ഷണം കഴിക്കുന്ന രോഗിയുടെ ചിത്രമാണ് ഇപ്പോള്‍ പുറത്ത് വന്നിരിക്കുന്നത്. റാഞ്ചിയിലെ ഏറ്റവും വലിയ സര്‍ക്കാര്‍ ആശുപത്രികളില്‍ ഒന്നാണിത്.

കൈയില്‍ മുറിവേറ്റ് ഓര്‍ത്തോപീഡിക് വാര്‍ഡില്‍ ചികിത്സയില്‍ കഴിയുന്ന പല്‍മതി ദേവിയ്ക്കാണ് ഈ ദുരനുഭവം ഉണ്ടായിരിക്കുന്നത്. ഇവര്‍ക്ക് വാര്‍ഡിലെ പരിചാരകര്‍ ചോറും പരിപ്പ്, പച്ചക്കറികളും അടങ്ങുന്ന കറിയും ആശുപത്രിയിലെ തിണ്ണയിലാണ് വിളമ്പിയത്. നിവൃത്തികേട് കൊണ്ട് അവര്‍ അത് കഴിക്കുന്നതുമാണ് ചിത്രത്തിലുള്ളത്.

'എനിക്ക് സ്വന്തമായി പാത്രം ഉണ്ടായിരുന്നില്ല. ഒരു പാത്രം അവരോട് ആവശ്യപ്പെട്ടിരുന്നു, പക്ഷേ ഉദ്യോഗസ്ഥര്‍ മര്യാദയില്ലാത്ത രീതിയിലാണ് പെരുമാറിയത്'. എന്ന് പല്‍മതി ദേവി പറഞ്ഞു.

ദൈനിക് ഭാസ്‌കര്‍ എന്ന ദേശീയ ദിനപത്രമാണ് ചിത്രം പുറത്തു വിട്ടത്.