ഓടുന്ന വാഹനത്തിനുള്ളില് സ്വന്തം പിതാവിന്റെ മുന്പില് വെച്ച് രണ്ട് പെണ്കുട്ടികളെ കൂട്ടബലാത്സംഗം ചെയ്തു!
ഗുജറാത്തിലെ ദാഹോദ് എന്ന പ്രദേശത്താണ് നടുക്കുന്ന സംഭവം അരങ്ങേറിയത്. പതിമൂന്നും പതിനഞ്ചും വയസ്സുള്ള രണ്ട് പെണ്കുട്ടികളെയും അവരുടെ അച്ഛനെയും ജീപ്പില് പിടിച്ച് കയറ്റുകയും പിതാവിന്റെ കണ്മുന്നില് ആറോളം പേര് ചേര്ന്ന് പെണ്കുട്ടികളെ കൂട്ടബലാത്സംഗം നടത്തുകയുമായിരുന്നു. പതിമൂന്നോളം പേര് ഉള്പ്പെട്ട ഈ ഗ്രൂപ്പില് നിന്നും അഞ്ച് പേരെ പോലീസ് കസ്റ്റഡിയില് എടുത്തിട്ടുണ്ട്.
സംഭവത്തെക്കുറിച്ച് പോലീസ് പറയുന്നതിങ്ങനെ: പെണ്കുട്ടികളും പിതാവും അവരുടെ കടയില് ഇരിക്കുകയായിരുന്നു. പെട്ടെന്ന് തന്നെ ജീപ്പിലും ബൈക്കുകളിലുമായി പതിമൂന്നോളം പേര് ഉള്പ്പെടുന്ന സംഘം അവിടെയെത്തുകയും അവരെ കടയില് നിന്നും പിടിച്ചിറക്കി ജീപ്പിനകത്തേക്ക് കയറ്റുകയുമായിരുന്നു. ബാക്കിയുളള സംഘം അവരെ ബൈക്കുകളില് പിന്തുടര്ന്നു.
പെണ്കുട്ടികളുടെ സഹോദരനുമായി ഇതില് ഒരാള്ക്കുണ്ടായിരുന്ന മുന്വൈരാഗ്യമാണ് ആക്രമണത്തിന് കാരണം. സംഭവത്തിന് ശേഷം പെണ്കുട്ടികളെയും അവരുടെ പിതാവിനെയും ഒരു വഴിയരികില് ഇറക്കി വിടുകയും പോലീസില് പരാതിപ്പെടരുതെന്ന് ഭീഷണിപ്പെടുത്തുകയും ചെയ്തു.
പോലീസ് പെണ്കുട്ടികളെ വിദഗ്ധ ചികിത്സക്കായി ആശുപത്രിയിലെത്തിച്ചു. കുമത്ത് ബാരിയ, ഗണപത് ബാരിയ, നര്വാത് ബാരിയ, സുരേഷ് നായിക്, ഗോപ്സിംഹ് എന്നിവരെയാണ് പെണ്കുട്ടികളുടെ അച്ഛന്റെ പരാതിയുടെ അടിസ്ഥാനത്തില് പോലീസ് അറസ്റ്റ് ചെയ്തത്.
പോസ്കോ ആക്ട് പ്രകാരം 13 പേര്ക്കെതിരെ കേസ് രജിസ്റ്റര് ചെയ്തു.
https://www.facebook.com/Malayalivartha
