കേന്ദ്ര ടെലികോം മന്ത്രി മനോജ് സിന്ഹ ഉത്തര്പ്രദേശ് മുഖ്യമന്ത്രിയായേക്കും
കേന്ദ്ര ടെലികോം മന്ത്രി മനോജ് സിന്ഹ ഉത്തര്പ്രദേശ് മുഖ്യമന്ത്രിയായേക്കും. ബി.ജെ.പി നേതാക്കള്ക്കിടയില് ഇക്കാര്യത്തില് ധാരണയായെന്നാണ് സൂചന. അതേസമയം, നിയമസഭ കക്ഷി നേതാവിനെ തെരഞ്ഞെടുക്കുന്നതിനായി ബി.ജെ.പി എം.എല്.എമാര് ശനിയാഴ്ച യോഗം ചേരുന്നുണ്ട്.
കേന്ദ്രമന്ത്രി വെങ്കയ്യ നായിഡു, ബി.ജെ.പി ദേശീയ ജനറല് സെക്രട്ടറി ഭുപേന്ദ്ര യാദവ് എന്നിവര് നിരീക്ഷകരായി എത്തും. തങ്ങളുടെ അഭിപ്രായം പാര്ട്ടി നേതൃത്വത്തെ അറിയിക്കുന്നതിനായി നിരവധി എം.എല്.എമാര് കഴിഞ്ഞ ദിവസങ്ങളിലായി ഡല്ഹി സന്ദര്ശിച്ചിരുന്നു. ഇവരില് കൂടുതല്പേരും മനോജ് സിന്ഹയുടെ പേര് നിര്ദേശിച്ചതായാണ് സൂചന.
ജനങ്ങളുമായി കൂടുതല് സമ്പര്ക്കം പുലര്ത്തുന്ന നേതാവ് എന്നതിനാലാണ് മനോജ് സിന്ഹയെ തന്നെ മുഖ്യമന്ത്രിയായി തെരഞ്ഞെടുക്കാന് പാര്ട്ടി നേതൃത്വം ആലോചിക്കുന്നത്. എം.പി!യായ കാലത്ത് ശനി, ഞായര് ദിവസങ്ങളില് സിന്ഹ ഘാസിയാപൂരിലെത്തി ജനങ്ങളോടൊപ്പം ചെലവഴിക്കാറാണ് പതിവ്.
ജനങ്ങള്ക്കിടയില് കൂടുതല് സ്വീകാര്യനായ നേതാവെന്ന നിലയില് സിന്ഹ തന്നെ മുഖ്യമന്ത്രി പദത്തിലെത്തുമെന്നാണ് രാഷട്രീയ നിരീക്ഷകര് കരുതുന്നത്. 80 ലോക്സഭ സീറ്റുള്ള സംസ്ഥാനത്ത് പാര്ട്ടിയുടെ ഭരണം മികച്ചതാക്കുക എന്ന ലക്ഷ്യംകൂടി കണക്കിലെടുത്താണ് തീരുമാനമുണ്ടാവുക.
അതിനിടെ, ദേഹാസ്വാസ്ഥ്യത്തെ തുടര്ന്ന് മൗര്യയെ ഡല്ഹിയിലെ രാം മനോഹര് ലോഹ്യ ആശുപത്രിയില് പ്രവേശിപ്പിച്ചു.
https://www.facebook.com/Malayalivartha
