ബി.ജെ.പി നേതാവിന്റെ ഭീഷണിയെ മറികടന്ന് മുഖ്യമന്ത്രി പിണറായി വിജയന് തെലങ്കാനയില് ഇന്ന് സമാപിക്കുന്ന സി.പി.ഐ.എം മഹാജനപദയാത്രയില് മുഖ്യാഥിതിയായി പങ്കെടുക്കും
സാമൂഹ്യനീതിക്കായി തെലങ്കാനയില് സി.പി.ഐ.എം നടത്തുന്ന മഹാജനപദയാത്ര ഇന്ന് സമാപിക്കും. ഹൈദരാബാദിലെ സരൂര് നഗര് മൈതാനിയില് നടക്കുന്ന വന് റാലിയിലും പൊതുയോഗത്തിലും സിപിഐഎം ജനറല് സെക്രട്ടറി സീതാറാം യെച്ചൂരി, പി ബി അംഗം പ്രകാശ് കാരാട്ട് തുടങ്ങിയവര് പങ്കെടുക്കും. പൊളിറ്റ് ബ്യൂറോ അംഗവും മുഖ്യമന്ത്രിയുമായ പിണറായി വിജയനാണ് മുഖ്യാതിഥി.
പിണറായി വിജയന് പരിപാടിയില് പങ്കെടുക്കരുത് എന്ന ബി.ജെ.പി എം.എല്.എ രാജാ സിങ്ങ് ഭീഷണി മുഴക്കിയിരുന്നു. ബി.ജെ.പി ഭീഷണിയുടെ പശ്ചാത്തലത്തില് പിണറായി വിജയനുള്ള സുരക്ഷാ ക്രമീകരണങ്ങള് ഉറപ്പാക്കിയതായി തെലങ്കാന പൊലീസ് അറിയിച്ചു. പരിപാടിയില് പങ്കെടുക്കുന്നതിനായി പിണറായി വിജയന് ഹെദരാബാദിലെത്തിയിട്ടുണ്ട്.
മുഖ്യമന്ത്രിയായശേഷം ആദ്യമായി ഹൈദരാബാദില് എത്തുന്ന പിണറായി വിജയന് രാവിലെ പൊലീസ് വകുപ്പിന്റെ ചടങ്ങിലും തുടര്ന്ന് മുഖ്യമന്ത്രി ചന്ദ്രശേഖര റാവു നല്കുന്ന ഔപചാരിക സ്വീകരണത്തിലും പങ്കെടുക്കും. ഹൈദരാബാദിലെ മലയാളി സമൂഹവും കേരള മുഖ്യമന്ത്രിയ്ക്ക് വരവേല്പ്പ് നല്കും. ആര്.ടി.സി ക്രോസ് റോഡിലെ കലാഭവനില് പകല് മൂന്നിനാണ് മലയാളികളുടെ സ്വീകരണം. കവി മുരുകന് കാട്ടാക്കടയും ചടങ്ങില് പങ്കെടുക്കും.
ദളിതര്ക്കും ആദിവാസികള്ക്കും ഭൂമിയില്ലാത്തവര്ക്കും മൂന്ന് ഏക്കര് ഭൂമിവീതം നല്കുക, വനത്തില് കഴിയുന്ന ആദിവാസി വിഭാഗങ്ങള്ക്ക് പട്ടയം നല്കുക, അവര്ക്കെതിരെയുള്ള കള്ളക്കേസുകള് പിന്വലിക്കുക, വീടില്ലാത്ത എല്ലാ പാവപ്പെട്ടവര്ക്കും രണ്ട് മുറിയോടുകൂടിയ വീട് നിര്മിച്ചുനല്കുക, സ്വകാര്യമേഖലയിലും സംവരണം നടത്താനാവശ്യമായ നിയമനിര്മാണം നടപ്പാക്കുക, എസ്സി, എസ്ടി വിഭാഗങ്ങള്ക്കുള്ള സംവരണം പത്ത് ശതമാനമായി വര്ധിപ്പിക്കുക, മുസഌങ്ങള്ക്ക് 12 ശതമാനം സംവരണം ഉറപ്പുവരുത്തുക തുടങ്ങിയ ആവശ്യങ്ങള് ഉന്നയിച്ച് ഒക്ടോബര് 17-നാണ് ഹൈദരാബാദിലെ ഇബ്രാഹിംപട്ടണത്ത് മഹാജനപദയാത്രയ്ക്ക് തുടക്കം കുറിച്ചത്. സി.പി.ഐ.എം തെലങ്കാന സംസ്ഥാന സെക്രട്ടറി തമിനേനി വീരഭദ്രം നയിച്ച പദയാത്ര അഞ്ചുമാസംകൊണ്ട് 4000 കിലോമീറ്ററാണ് സഞ്ചരിച്ചത്.
സാമൂഹ്യനീതിയുടെയും സമഗ്ര വികസനത്തിന്റെയും മുദ്രാവാക്യമുയര്ത്തിയുള്ള പദയാത്ര ശനിയാഴ്ച വൈകീട്ട് നഗരത്തിലെത്തി. പദയാത്രയെ വരവേല്ക്കാന് നൂറുകണക്കിനാളുകളാണ് ചെങ്കൊടിയേന്തി നഗരാതിര്ത്തിയിലെത്തിയത്. നഗരഹൃദയത്തിലെ നിസാം കോളേജ് ഗ്രൗണ്ടില് നിശ്ചയിച്ചിരുന്ന റാലി സംസ്ഥാന സര്ക്കാരിന്റെ അഭ്യര്ഥന മാനിച്ചാണ് സരൂര് നഗര് ഗ്രൌണ്ടിലേക്കു മാറ്റിയത്.
https://www.facebook.com/Malayalivartha
