ഉത്തര്പ്രദേശില് ഇനി 'യോഗി തീരുമാനിക്കും; സത്യപ്രതിജ്ഞ മോദിയെ സാക്ഷിയാക്കി
ഇനി തീവ്ര നിലപാടിന്റെ നാളുകള്. യോഗി യോഗ്യനായി മുഖ്യമന്ത്രിക്കസേരയില്. ഗൊരഖ്പുരില് നിന്നുള്ള ലോക്സഭാംഗവും അതിതീവ്ര നിലപാടുകാരനുമായ യോഗി ആദിത്യനാഥ് ഉത്തര്പ്രദേശ് മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റു. പ്രധാനമന്ത്രി നരേന്ദ്ര മോദി, ബിജെപി ദേശീയ അധ്യക്ഷന് അമിത് ഷാ, കേന്ദ്രമന്ത്രിമാരായ വെങ്കയ്യ നായിഡു, രാജ്നാഥ് സിങ്, മുതിര്ന്ന ബിജെപി നേതാക്കളായ എല്.കെ. അഡ്വാനി, മുരളി മനോഹര് ജോഷി തുടങ്ങിയ പ്രമുഖരുടെ സാന്നിധ്യത്തിലായിരുന്നു സത്യപ്രതിജ്ഞ. ലക്നൗ കാന്ഷിറാം സ്മൃതി ഉപവനില് നടന്ന ചടങ്ങില് 44 മന്ത്രിമാരും സത്യപ്രതിജ്ഞ ചെയ്തു.
ബിജെപി സംസ്ഥാന പ്രസിഡന്റ് കേശവ് പ്രസാദ് മൗര്യയും ദിനേശ് ശര്മയും ഉപമുഖ്യമന്ത്രിമാരായും സ്ഥാനമേറ്റു. ഉത്തര്പ്രദേശിന്റെ 21–ാമത് മുഖ്യമന്ത്രിയാണ് യോഗി ആദിത്യനാഥ്. ചടങ്ങില് സമാജ്!വാദി പാര്ട്ടി നേതാക്കളായ മുലായം സിങ് യാദവ്, അഖിലേഷ് യാദവ് എന്നിവരും പങ്കെടുത്തു.
നേരത്തെ, അപ്രതീക്ഷിത നീക്കത്തിലൂടെയാണ് യോഗി ആദിത്യനാഥ് ഉത്തര്പ്രദേശ് മുഖ്യമന്ത്രിയായി തിരഞ്ഞെടുക്കപ്പെട്ടത്. ഗൊരഖ്പുര് ക്ഷേത്രത്തിലെ മുഖ്യപൂജാരിയും ഹിന്ദു യുവവാഹിനി സ്ഥാപക നേതാവുമായ ആദിത്യനാഥിനെ ബിജെപി നിയമസഭാ കക്ഷി യോഗമാണ് നേതാവായി തിരഞ്ഞെടുത്തത്. മുഖ്യമന്ത്രി യോഗി ആദിത്യനാഥും ഉപമുഖ്യമന്ത്രിമാരായ കേശവ് പ്രസാദ് മൗര്യ, ദിനേശ് ശര്മ എന്നിവരും നിയമസഭാംഗങ്ങളല്ല. അതിനാല്, ആദിത്യനാഥും കേശവ് പ്രസാദ് മൗര്യയും എംപി സ്ഥാനം രാജിവച്ചും ദിനശ് ശര്മ ലക്നൗ മേയര് സ്ഥാനമൊഴിഞ്ഞും ആറുമാ
https://www.facebook.com/Malayalivartha
