ഭര്തൃവീട്ടുകാരുടെ പീഡനം; യുവതിയുടെ പിതാവിന്റെ യുട്യൂബ് അപേക്ഷയെ തുടര്ന്ന് ഇന്ത്യാക്കാരിക്ക് മോചനവുമായി സുഷമാ സ്വരാജ്
പാകിസ്താനിലേക്ക് വിവാഹം കഴിച്ചയച്ച് ഭര്തൃവീട്ടുകാരുടെ പീഡനത്തിന് വിധേയയായ ഇന്ത്യാക്കാരിക്ക് മോചനവുമായി സുഷമാ സ്വരാജ്. യുവതിയുടെ പിതാവിന്റെ യുട്യൂബ് അപേക്ഷയെ തുടര്ന്ന് പാകിസ്താനിലെ ഇന്ത്യന് ഹൈക്കമ്മീഷനോട് യുവതിയുമായി കൂടിക്കാഴ്ച നടത്തി വിവരം നല്കാനും ഇന്ത്യയിലേക്ക് സുരക്ഷിതമായി തിരിച്ചുവരാന് അവര്ക്ക് സൗകര്യം ഒരുക്കാനും തിങ്കളാഴ്ച സുഷമാ സ്വരാജ് നിര്ദേശം നല്കി. മൊഹമ്മദീയ ബീഗം എന്ന യുവതിയുടെ കാര്യത്തിലാണ് പിതാവ് യൂ ട്യൂബ് അപേക്ഷ സമര്പ്പിച്ചത്. ബന്ധുക്കളുടെ പീഡനത്തിന് വിധേയയായതിനെ തുടര്ന്ന് പാകിസ്താനിലേക്ക് വിവാഹം കഴിച്ചയച്ച ഇന്ത്യാക്കാരി ഭര്ത്താവിന്റെയും ബന്ധുക്കളുടെയും നിരന്തര പീഡന വിവരം മാതാപിതാക്കളെ വിളിച്ചു പറയുകയായിരുന്നു. തുടര്ന്ന് മകളെ പാകിസ്താനിലുള്ള ഭര്തൃവീട്ടുകാര് പീഡിപ്പിക്കുന്നതായുള്ള മൊഹമ്മദ് അക്ബര് ഖാന് എന്നയാളുടെ യു ട്യൂബ് സന്ദേശം സുഷമ സ്വീകരിക്കുകയായിരുന്നു.
ഭര്ത്താവ് മൊഹമ്മദ് യൂനിസ് പാകിസ്താനില് മറ്റൊരു വിവാഹം കഴിച്ചെന്നും 44 കാരിയായ മൊഹമ്മദീയ ബീഗത്തോട് മോശമായി പെരുമാറുന്നെന്നുമാണ് പരാതി. ഇന്ത്യയില് ജീവനോടെ കാലു കുത്താന് അനുവദിക്കില്ല എന്ന് ഭീഷണിയും മുഴക്കിയെന്നും ശാരീരിക മാനസീക പീഡനങ്ങളെ തുടര്ന്ന് മകളുടെ നില തീരെ മോശമാണെന്നും മാതാവ് പറഞ്ഞു. ഹൈദരാബാദുകാരിയായ യുവതി ഒമാനില് വെച്ചാണ് പാകിസ്താന് കാരനുമായി കണ്ടുമുട്ടിയതും വിവാഹിതരായതും. ഒമാനിയാണെന്ന് പറഞ്ഞ് യുവതിയുമായി അടുപ്പത്തിലായ ഇയാള് പാകിസ്താന്കാരനാണെന്ന വിവരം മറച്ചു വെയ്ക്കുകയായിരുന്നു എന്ന് യുവതിയുടെ മാതാപിതാക്കള് പറയുന്നു. മൊഹമ്മദ് യൂനിസിനും ബീഗത്തിനുമായി മൂന്ന് പുത്രന്മാരും രണ്ടു പെണ്മക്കളുമുണ്ട്. ഇതില് ഏറ്റവും ഇളയ ഒമ്പതു വയസ്സുള്ള കുട്ടി മാത്രം പാകിസ്താനിലും ബാക്കിയുള്ളവര് മുഴുവനും ഒമാനില് പിറന്നവരുമാണ്.
മസ്ക്കറ്റില് മെക്കാനിക്കായ മൊഹമ്മദ് യൂനിസുമായി ടെലിഫോണ് വഴിയായിരുന്നു 1996 ല് വിവാഹം. 12 വര്ഷത്തിന് ശേഷമാണ് യൂനിസ് പാകിസ്താന് കാരനാണെന്ന വിവരം ബീഗം മനസ്സിലാക്കുന്നത്. 2012 ലാണ് ബീഗം അവസാനമായി ഇന്ത്യയില് എത്തിയത്. കഴിഞ്ഞ വര്ഷം പാസ്പോര്ട്ട് കാലാവധി പൂര്ത്തിയായ ഹൈദരാബാദ് യുവതിയുടെ പാസ്പോര്ട്ട് എത്രയും പെട്ടെന്ന് പുതുക്കി ഇന്ത്യയിലേക്ക് വരാനുള്ള സൗകര്യം ഒരുക്കാനാണ് ഇന്ത്യന് ഹൈക്കമ്മീഷനോട് സുഷമ ആവശ്യപ്പെട്ടിട്ടുള്ളത്.
ഇന്ത്യന് ഹൈക്കമ്മീഷന് ഉദ്യോഗസ്ഥര് കൂടിക്കാഴ്ച നടത്തിയതിന് ശേഷം തന്നെ ഭര്ത്താവ് മൊഹമ്മദ് യൂനിസ് തന്നെ ക്രൂരമായി മര്ദ്ദിച്ചെന്നും ഒരു മുറിയില് പൂട്ടിയിട്ടിരിക്കുകയാണെന്നും യുവതി കഴിഞ്ഞ ദിവസം മാതാവിനെ വിളിച്ചു പറഞ്ഞു. കുട്ടികള് ഒപ്പം വരുന്നെങ്കില് നല്ലത്. എന്നാല് മകള് എത്രയും വേഗം നാട്ടിലെത്തണമെന്നാണ് തങ്ങള് ആഗ്രഹിക്കുന്നതെന്നും മാതാവ് പറയുന്നു. മാര്ച്ച് 16 ന് കാര്യങ്ങളുടെ റിപ്പോര്ട്ട് സമര്പ്പിക്കണമെന്ന് സുഷമ ഹൈ കമ്മീഷണര് ഗൗതം ബംബാവാലേ പറഞ്ഞു. സൈക്കിള് മെക്കാനിക്കായ മൊഹമ്മദ് അക്ബര് മകളെ മടക്കി കൊണ്ടുവരാന് സഹായിക്കണന്നെ് ആവശ്യപ്പെട്ട് ജനുവരിയില് സുഷമാ സ്വരാജിന് ഇ മെയില് അയച്ചിരുന്നു.
https://www.facebook.com/Malayalivartha
