ലൈംഗിക പീഡനത്തിനിരയാക്കുന്നവര്ക്കെതിരെ നിയമയുദ്ധം നടത്തുന്ന സ്ത്രീകള്ക്ക് 90 ദിവസം അവധി
ജോലിസ്ഥലത്ത് ലൈംഗിക പീഡനത്തിനിരയാകുന്ന കേന്ദ്ര സര്ക്കാര് വനിതാ ജീവനക്കാര്ക്ക് ഇനി മുതല് (പ്രതിരോധം,നിരോധനം, പരിഹാരം )ആക്റ്റ്, 2013 പ്രകാരം അന്വേഷണ സമയത്ത് 90 ദിവസത്തെ ശമ്പളത്തോട് കൂടിയുള്ള അവധി എടുക്കാം. ലൈംഗിക പീഡനത്തിലെ ഇരകളെ സ്വാധീനിക്കാന് ശ്രമിക്കുന്നു, ഭീഷണിപ്പെടുത്തുന്നു മുതലായ പരാതികളുടെ അടിസ്ഥാനത്തില് ആണ് ഈ നടപടി. ഈ കേസില് പ്രത്യേക അവധി ഇന്റെര്ണല്
കമ്മിറ്റിയുടെ അല്ലെങ്കില് അത്തരം ആരോപണങ്ങള് നോക്കുന്നതിനായി രൂപീകരിച്ച ലോക്കല് കമ്മിറ്റിയുടെ ശുപാര്ശപ്രകാരം ആയിരിക്കും. ഈ അവധികള് ഒരിക്കലും പരാതിക്കാരിയുടെ മറ്റ് അനുവദനീയ ലീവുകള് ഒഴിവാക്കികൊണ്ടല്ലെന്നും, 2017- ല് ഈ നിയമഭേദഗതി നടപ്പിലാക്കുമെന്നും പേഴ്സണല് ആന്ഡ് ട്രെയിനിങ് വകുപ്പ് വ്യക്തമാക്കി.
ഡിസംബറില് പേഴ്സണല് ആന്ഡ് ട്രെയിനിങ് വകുപ്പ്, ജോലിസ്ഥലത്ത് സ്ത്രീപീഡനം കൈകാര്യം ചെയ്യുന്നതിനായുള്ള മാര്ഗ്ഗനിര്ദ്ദേശങ്ങള് നല്കിയിരുന്നു. പരാതി നല്കിയ ദിവസം മുതല് 30 ദിവസത്തിനകം അന്വേഷണം പൂര്ത്തിയാക്കണമെന്നും, ഒരു കാരണവശാലും അത് 90 ദിവസത്തിന് മുകളില് പോകരുതെന്നും നിശ്ചിതമാര്ഗ്ഗനിര്ദ്ദേശത്തില് പറയുന്നു.
പരാതി നല്കി എന്ന കാരണത്താല് പരാതിക്കാരിയെ വീണ്ടും യാതൊരു തരത്തിലുള്ള പ്രശ്നങ്ങളും അനുഭവിക്കേണ്ടി വരുന്നില്ല എന്നുള്ളത് അന്വേഷണവകുപ്പ് ഉറപ്പു വരുത്തേണ്ടതാണ്. മാത്രവുമല്ല മാസം തോറും കേസിന്റെ പുരോഗതി പരിശോധിക്കുന്നതിനായി റിപോര്ട്ടുകള് മിനിസ്ട്രി ഓഫ് വിമെന് ആന്ഡ് ചൈല്ഡ് ഡെവലപ്പ്മെന്റിന് നല്കേണ്ടതാണ്. പരാതി നല്കിയതിന്റെ പേരില് പരാതിക്കാരിക്ക് വീണ്ടും എന്തെങ്കിലും തരത്തിലുള്ള പ്രശ്നങ്ങള് നേരിടേണ്ടി വന്നാല് സെക്രട്ടറിയെയോ ഓര്ഗനൈസേഷന് ഹെഡിനെയോ സമീപിക്കാവുന്നതാണ്.
https://www.facebook.com/Malayalivartha
