റയാൻ ഇന്‍റർനാഷണൽ സ്കൂളിൽ രണ്ടാം ക്ലാസുകാരൻ കൊല്ലപ്പെട്ട സംഭവത്തിൽ കേന്ദ്ര, ഹരിയാന സർക്കാരുകൾക്കും സിബിഐക്കും സിബിഎസ്ഇക്കും സുപ്രീം കോടതി നോട്ടീസ്. കുട്ടിയുടെ കൊലപാതകവുമായി ബന്ധപ്പെട്ട് സിബിഐ അന്വേഷണം ആവശ്യപ്പെട്ടുള്ള ഹർജിയിലാണ് സുപ്രീം കോടതിയുടെ നടപടി. കേസിൽ നിരവധി പിഴവുകൾ സംഭവിച്ചെന്നു ചൂണ്ടിക്കാട്ടി കുട്ടിയുടെ അച്ഛൻ സുപ്രീം കോടതിയെ സമീപിച്ചിരുന്നു.

രാജ്യത്തെ മുഴുവൻ സ്കൂൾ കുട്ടികൾക്കും സുരക്ഷ ഉറപ്പാക്കണമെന്നും സുപ്രീം കോടതി കേന്ദ്രസർക്കാരിനോട് ആവശ്യപ്പെട്ടു. മൂന്ന് ആഴ്ചക്കുള്ളിൽ ഇതുസംബന്ധിച്ച് മറുപടി നൽകണമെന്നും കോടതി സർക്കാരിനോട് ആവശ്യപ്പെട്ടു.കേസുമായി ബന്ധപ്പെട്ടു ഞായറാഴ്ച സ്കൂൾ മേധാവി ഫ്രാൻസീസ് തോമസ്, എച്ച്ആർ ജയസ് തോമസ് എന്നിവരെ ജുവനൈൽ ജസ്റ്റീസ് ആക്ട് പ്രകാരം അറസ്റ്റു ചെയ്തിരുന്നു. ഇന്ന് സ്കൂൾ പ്രിൻസിപ്പലിനെയും എതാനും ചില അധ്യാപകരെയും അന്വേഷണസംഘം അറസ്റ്റ് ചെയ്തിരുന്നു.

വെ​ള്ളി​യാ​ഴ്ച സ്കൂ​ളി​ലെ ശു​ചി​മു​റി​യി​ൽ പ്ര​ദ്യു​മ​ൻ ഠാ​ക്കൂ​റി​നെ​യാ​ണ് കൊ​ല്ല​പ്പെ​ട്ട നി​ല​യി​ൽ ക​ണ്ടെ​ത്തി​യ​ത്. സം​ഭ​വ​ത്തെ തു​ട​ർ​ന്നു സ്കൂ​ൾ ബ​സ് ക​ണ്ട​ക്ട​ർ അ​ശോ​ക് കു​മാ​റി​നെ പോ​ലീ​സ് അ​റ​സ്റ്റു ചെ​യ്തി​രു​ന്നു. ഇ​യാ​ൾ കു​ട്ടി​യെ ലൈം​ഗി​ക​മാ​യി പീ​ഡി​പ്പി​ക്കാ​ൻ ശ്ര​മി​ച്ചെ​ന്നു പോ​ലീ​സ് പ​റ​ഞ്ഞു.