സി​പി​എമ്മിനെതിരെയും -​ബി​ജെ​പിക്കെതിരെയും ആഞ്ഞടിച്ച് കോ​ണ്‍​ഗ്ര​സ് നേ​താ​വ് രാ​ഹു​ല്‍ ഗാ​ന്ധി. ഇരുവരും ഒ​ത്തു​ക​ളി​യെ​ന്ന ആ​രോ​പ​ണ​മാ​യിരുന്നു കോ​ണ്‍​ഗ്ര​സ് നേ​താ​വ് രാ​ഹു​ല്‍ ഗാ​ന്ധി ഉന്നയിച്ചത് . കൊ​യി​ലാ​ണ്ടി​യി​ലെ യു​ഡി​എ​ഫ് പ്ര​ചാ​ര​ണ​ത്തി​ലാ​ണ് രാ​ഹു​ൽ ഗാന്ധി വി​മ​ര്‍​ശ​നമുയർത്തിയത് .

കോ​ണ്‍​ഗ്ര​സ് മു​ക്ത ഭാ​ര​ത​മെ​ന്നാ​ണ് പ്ര​ധാ​ന​മ​ന്ത്രി ന​രേ​ന്ദ്ര മോ​ദി എ​പ്പോ​ഴും പ​റ​യു​ന്ന​ത്. സി​പി​എം മു​ക്ത ഭാ​ര​ത​മെ​ന്ന് പ​റ​യാ​ന്‍ മോ​ദി ത​യാ​റാ​കു​ന്നി​ല്ല. സി​പി​എ​മ്മി​നെ​തി​രേ മോ​ദി ഇ​തു​വ​രെ ഒ​ന്നും പ​റ​ഞ്ഞി​ട്ടി​ല്ലെ​ന്നും രാ​ഹു​ല്‍ ആ​രോ​പി​ച്ചു.

ആ​ര്‍​എ​സ്‌എ​സി​ന് ഭീ​ഷ​ണി കോ​ണ്‍​ഗ്ര​സി​ല്‍ നി​ന്നാ​ണെ​ന്നും ഇ​ട​തു​പ​ക്ഷം സ​മൂ​ഹ​ത്തെ ഭി​ന്നി​പ്പി​ക്കു​ന്ന ആ​ശ​യ​മാ​ണെ​ന്നും ബി​ജെ​പി നേ​തൃ​ത്വ​ത്തി​ന​റി​യാം. ഇ​താ​ണ് പ​ര​സ്യ​മാ​യി സി​പി​എ​മ്മി​നെ മോ​ദി എ​തി​ര്‍​ക്കാ​ത്ത​തെ​ന്നും രാ​ഹു​ല്‍ പ​റ​ഞ്ഞു.

ഇ​ട​തു​പ​ക്ഷം കോ​ണ്‍​ഗ്ര​സ് പ്ര​വ​ര്‍​ത്ത​ക​രെ കൊ​ന്നൊ​ടു​ക്കു​ക​യാ​ണ്. ഇ​ത് ത​ന്നെ​യാ​ണ് ബി​ജെ​പി​യും ചെ​യ്യു​ന്ന​ത്. എ​ന്നാ​ല്‍ കോ​ണ്‍​ഗ്ര​സ് അ​ങ്ങ​നെ ചെ​യ്യു​ന്നി​ല്ല. സൗ​ഹാ​ര്‍​ദ്ദ​മി​ല്ലാ​തെ ഒ​രു രാ​ജ്യ​ത്തി​നും മു​ന്നോ​ട്ട് പോ​കാ​നാ​കി​ല്ലെ​ന്നും രാ​ഹു​ല്‍ കൂ​ട്ടി​ച്ചേ​ര്‍​ത്തു.

താന്‍ പ്രധാനമന്ത്രിയായിരുന്നെങ്കില്‍ വളര്‍ച്ചാ കേന്ദ്രീകൃത നയങ്ങളേക്കാള്‍ കൂടുതല്‍ തൊഴിലവസരങ്ങള്‍ സൃഷ്ടിക്കുന്നതില്‍ ശ്രദ്ധ കേന്ദ്രീകരിക്കുമെന്ന് രാഹുല്‍ ഗാന്ധി പറഞ്ഞു. വളര്‍ച്ചാ കേന്ദ്രീകൃതമായ ഒരു ആശയത്തില്‍ നിന്ന് തൊഴില്‍ കേന്ദ്രീകൃതമായ ഒരു ആശയത്തിലേക്ക് ഞാന്‍ നീങ്ങും.

നമുക്ക് വളര്‍ച്ച ആവശ്യമാണെങ്കിലും ഉല്‍പാദനവും തൊഴിലവസരങ്ങളും മൂല്യവര്‍ദ്ധനവും വര്‍ധിപ്പിക്കാന്‍ ഞങ്ങള്‍ എല്ലാം ചെയ്യുമെന്നും അദ്ദേഹം പറഞ്ഞു. തൊഴില്‍ സംഖ്യ തൊട്ടടുത്ത് നില്‍ക്കുന്നില്ലെങ്കില്‍ 9 ശതമാനം സാമ്പത്തിക വളര്‍ച്ചയില്‍ തനിക്ക് താല്‍പര്യമില്ലെന്നും അദ്ദേഹം പറഞ്ഞു.

നിലവില്‍ നമ്മുടെ വളര്‍ച്ച നോക്കിയാല്‍, നമ്മുടെ വളര്‍ച്ചയ്ക്കും തൊഴിലവസരങ്ങള്‍ക്കുമിടയിലും മൂല്യവര്‍ദ്ധനയ്ക്കും ഉല്‍പാദനത്തിനുമിടയില്‍ ഉണ്ടായിരിക്കേണ്ട അനുപാതം ഇല്ലെന്നും അദ്ദേഹം കൂട്ടിച്ചേര്‍ത്തു.