ഐഷ മാപ്പ് ചോദിക്കേണ്ടത് മുഴുവൻ ദ്വീപുകാരോടുമാണ്: ഒറ്റ പ്രസ്താവന കൊണ്ട് സമരത്തിൻ്റെ അന്തസ്സത്ത കളഞ്ഞു കുളിച്ചതിന്: ഐഷാ സുൽത്താനക്കെതിരെ ആഞ്ഞടിച്ച് ജി.സന്ദീപ് വാര്യർ
ഐഷാ സുൽത്താനയ്ക്കെതിരെ ആഞ്ഞടിച്ച് ജി സന്ദീപ് വാര്യർ . ലക്ഷദ്വീപ് വിഷയത്തിലാണ് ഇവർക്കെതിരെ വിമർശനവുമായി അദ്ദേഹം രംഗത്തുവന്നിരിക്കുന്നത്. അദ്ദേഹത്തിന്റെ വാക്കുകൾ ഇങ്ങനെ കാർന്ന് തിന്നാനാണ് ഉദ്ദേശമെങ്കിൽ താണ്ഡവമാടാനാണ് ഞങ്ങളുടെ തീരുമാനം എന്ന് ചാനലിൽ ഗീർവാണമടിച്ച പ്രിയ സോദരി ഐഷ സുൽത്താന , എന്നാൽ ഹൈക്കോടതിയിൽ പോയി പറഞ്ഞത് താൻ പലകുറി മാപ്പപേക്ഷിച്ചു കഴിഞ്ഞു എന്നാണ്.
ലക്ഷദ്വീപ് നിവാസികളുടെ ആവശ്യങ്ങളോട് അനുഭാവം ഉണ്ടായിരുന്ന നിരവധി പേരെ വെറുപ്പിക്കാനും എതിരാക്കി തീർക്കാനും മാത്രമേ ഐഷയുടെ അപക്വവും അപകടകരവുമായുള്ള വാചക കസർത്ത് സഹായിച്ചിട്ടുള്ളൂ .
ഐഷ മാപ്പ് ചോദിക്കേണ്ടത് മുഴുവൻ ദ്വീപുകാരോടുമാണ്. ഒറ്റ പ്രസ്താവന കൊണ്ട് സമരത്തിൻ്റെ അന്തസ്സത്ത കളഞ്ഞു കുളിച്ചതിന്. ഇങ്ങനെ പറഞ്ഞാണ് അദ്ദേഹം അവസാനിപ്പിക്കുന്നത്.സംവിധായിക ഐഷ സുൽത്താന ബയോ വെപ്പൺ പരാമർശത്തിൽ ഒരു സ്വകാര്യ ചാനലിനെതിരെ രംഗത്തുവന്നിരുന്നു.
ചാനൽ അജണ്ട നടപ്പാക്കാനുള്ള കരുവായി തന്നെ ഉപയോഗിച്ചെന്ന് ഐഷ സുൽത്താന പറഞ്ഞി ന്നിരുന്നു. അഭിമുഖത്തിലാണ് ചാനലിനെതിരെ ഐഷ സുൽത്താന രംഗത്ത് വന്നത്. ബയോ വെപ്പൺ പരാമർശം തെറ്റായിരുന്നുവെന്നും അവർ കുറ്റസമ്മതം നടത്തി.
കൊറോണയെ ജൈവായുധമായി ഉപയോഗിച്ചുവെന്ന പരാമർശം തെറ്റാണെന്ന് സമ്മതിക്കുന്നു. എന്നാൽ ചാനൽ തന്റെ പരാമർശം വിശദമാക്കാനുള്ള സമയം അനുവദിച്ചില്ല. ചാനൽ അജണ്ടയ്ക്കായി തന്നെ ഉപയോഗപ്പെടുത്തിയെന്നും ഐഷ സുൽത്താന പറഞ്ഞിരുന്നു.
https://www.facebook.com/Malayalivartha