അടൽ ബിഹാരി വാജ്പേയ് സ്മൃതിദിനത്തിൽ അദ്ദേഹത്തെ അനുസ്മരിച്ച് ബിജെപി നേതാവ് സന്ദീപ് ജി വാര്യർ.ഫെയ്‌സ്ബുക്ക് കുറിപ്പിലൂടെയാണ് അദ്ദേഹം തന്റെ വാക്കുകൾ പങ്കു വച്ചത് ,കുറിപ്പിന്റെ പൂർണ്ണ രൂപം ഇങ്ങനെ; ഇന്ന് അടൽ ബിഹാരി വാജ്പേയ് സ്മൃതിദിനം .

പ്രധാനമന്ത്രി നെഹ്റുവിൻ്റെ ആദരവ് പിടിച്ചു പറ്റിയ യുവ പാർലമെൻ്റേററിയനായിരുന്നു അടൽ ജി .

ജനീവയിലെ യു എൻ മനുഷ്യാവകാശ സമ്മേളനത്തിൽ പാക്കിസ്ഥാൻ കാശ്മീർ വിഷയം ഉയർത്തിയപ്പോൾ ഇന്ത്യയുടെ ഭാഗം സമർത്ഥിക്കാൻ പ്രധാനമന്ത്രി നരസിംഹറാവു വിശ്വസിച്ചയച്ച പ്രതിപക്ഷ നേതാവായിരുന്നു അടൽ ജി

അമേരിക്കൻ ഉപരോധത്തിനെയും അന്താരാഷ്ട്ര സമ്മർദ്ദങ്ങളെയും വെല്ലുവിളിച്ച് ഇന്ത്യയെ ആണവായുധ ശക്തിയാക്കി മാറ്റിയ ധൈര്യശാലിയായ പ്രധാനമന്ത്രിയായിരുന്നു അടൽ ജി .

ഇന്ത്യയുടെ അടിസ്ഥാന സൗകര്യ വികസനത്തിന് അടിത്തറ പാകിയ സുവർണ ചതുഷ്കോണ പാതകളും ഗ്രാമീണ ഇന്ത്യക്ക് റോഡ് കണക്ടിവിറ്റി നൽകിയ പ്രധാനമന്ത്രി ഗ്രാമീൺ സടക് യോജനയും നടപ്പാക്കിയ പ്രധാനമന്ത്രിയായിരുന്നു അടൽ ജി .

കാർഗിലിൽ കയറിയിരുന്ന പാക് പടയെ പാഠം പഠിപ്പിച്ച പ്രധാനമന്ത്രിയായിരുന്നു അടൽ ജി.സരസ്വതീ ദേവി അനുഗ്രഹിച്ച കവിയും പ്രഭാഷകനുമായിരുന്നു അടൽ ജി.

ആധുനിക ഇന്ത്യയുടെ ശില പാകിയ നിർണ്ണായക തീരുമാനങ്ങളെടുത്ത ആ ധിഷണാശാലിയുടെ ഓർമ്മകൾക്കു മുന്നിൽ പ്രണാമം .