സംസ്ഥാന അധ്യക്ഷ പദവി തേടിയെത്തുമെന്ന അഭ്യൂഹങ്ങള്ക്കിടെ സുരേഷ് ഗോപി എംപി നാളെ ഡല്ഹിക്കു പോകുന്നുവെന്ന് അഭ്യൂഹം ; കേന്ദ്ര നേതൃത്വം കേരളത്തിൽ അഴിച്ച് പണിയിലേക്ക് നീങ്ങുന്നു?
സംസ്ഥാനത്തെ ബിജെപി നേതാക്കന്മാരെല്ലാം ഞെട്ടിച്ചു കൊണ്ടുള്ള നീക്കങ്ങളാണ് കുറച്ചുദിവസങ്ങളായി സുരേഷ് ഗോപി നടത്തുന്നത്... അവരിൽനിന്ന് എല്ലാം വിട്ടു നിന്നുകൊണ്ടുള്ള പ്രവർത്തനങ്ങളാണ് സുരേഷ് ഗോപി നടത്തുന്നത്.
എന്നാൽ ഇപ്പോൾ ഇതാ പുതിയൊരു സൂചന പുറത്തു വരികയാണ്.സംസ്ഥാന അധ്യക്ഷ പദവി തേടിയെത്തുമെന്ന അഭ്യൂഹങ്ങള്ക്കിടെ സുരേഷ് ഗോപി എംപി നാളെ ഡല്ഹിക്കു പോകുന്നുവെന്ന് അഭ്യൂഹങ്ങളാണ് ഇപ്പോൾ പരക്കുന്നത് .
നേരത്തെ കേന്ദ്ര നേതാക്കന്മാർ നടത്തിയ നീക്കങ്ങളുടെ അടിസ്ഥാനത്തിലാണ് ഇത്തരത്തിൽ ഒരു സംശയം വരാൻ കാരണം. സംസ്ഥാനത്തെ നേതാക്കളെ വിശ്വാസത്തിലെടുക്കാതെയും അറിയിക്കാതെയുമുള്ള തീരുമാനങ്ങള് നേരത്തെയും കേന്ദ്രനേതൃത്വത്തില് നിന്നു പലവട്ടം വന്നിട്ടുണ്ട്.
സുരേഷ് ഗോപി ഡല്ഹിയിലേക്ക് പോകുന്നുണ്ടെങ്കിൽ അതിനെയും ആശങ്കയോടെയാണ് സംസ്ഥാന നേതാക്കള് നോക്കി കാണുന്നത്. ഇത് നേരത്തെ നിശ്ചയിച്ച കൂടിക്കാഴ്ചയാണെന്നും മറ്റ് അഭ്യൂഹങ്ങള്ക്കൊന്നും അടിസ്ഥാനമില്ലെന്ന നിലപാടിലാണ് സുരേഷ് ഗോപി.
സുരേഷ് ഗോപി ബിജെപി സംസ്ഥാന പ്രസിഡന്റ് ആയി നിയമിതനാകാന് സാധ്യതയുണ്ടെന്ന തരത്തിലുള്ള അഭ്യൂഹങ്ങൾ ശക്തമാകുന്നതിനിടെയാണ് ഇദ്ദേഹം ഡൽഹിയിൽ പോകുന്നുവെന്ന സൂചനകൾ കൂടെ ലഭ്യമാകുന്നത്. എന്നാൽ അത്തരത്തിലൊരു നീക്കങ്ങൾ ഇല്ല എന്നാണ് സംസ്ഥാന നേതൃത്വം ചൂണ്ടിക്കാട്ടുന്നത്.
അദ്ദേഹത്തിന് ഒറ്റയ്ക്ക് നിന്നുള്ള പ്രവർത്തനങ്ങൾ വളരെ സൂക്ഷ്മതയോടെ സംസ്ഥാന നേതാക്കന്മാർ വീക്ഷിക്കുന്നുണ്ട്. അദ്ദേഹത്തിന്റെ പല ചുവടുവെപ്പുകളും കേന്ദ്രനേതൃത്വത്തിന്റെ കൃത്യമായ പിന്തുണയോടെയാണെന്നാണ് പുറത്ത് വരുന്ന വിവരം.
നാര്ക്കോട്ടിക് ജിഹാദ് വിഷയം ഉണ്ടായപ്പോൾ പാലാ ബിഷപ്പിനെ സുരേഷ് ഗോപി എത്തി സന്ദര്ശിക്കുകയുണ്ടായി. സംസ്ഥാനനേതാക്കള് അറിയാതെയായിരുന്നു അദ്ദേഹം ബിഷപ്പിനെ സന്ദർശിച്ചത്.
പക്ഷേ ഈ സന്ദർശനത്തിന് കേന്ദ്ര നേതാക്കന്മാരുടെ പിന്തുണ ഉണ്ടായിരുന്നു എന്നാണ് പുറത്തുവരുന്ന സൂചനകൾ. നാര്കോട്ടിക് ജിഹാദ് അടക്കമുള്ള വിഷയങ്ങള് ചര്ച്ച ചെയ്യാന് കേന്ദ്രം സഭാധ്യക്ഷന്മാരുടെ യോഗം വിളിക്കുമെന്ന വിവരം സുരേഷ്ഗോപിയാണ് മാധ്യമങ്ങളോട് പറഞ്ഞത്.
ഉടനെ തന്നെ പ്രധാനമന്ത്രി നരേന്ദ്ര മോദിയുമായും അമിത് ഷായുമായും സുരേഷ് ഗോപി കൂടിക്കാഴ്ച നടത്തുമെന്നാണ് ലഭ്യമാകുന്ന സൂചനകൾ ചൂണ്ടിക്കാണിക്കുന്നത്. എന്നാൽ തനിക്ക് പാര്ട്ടി പ്രവര്ത്തകനായി തുടരാനാണ് താത്പര്യമെന്നാണ് സുരേഷ് ഗോപി സ്വീകരിച്ചിട്ടുള്ള നിലപാട്.
ബിജെപി കേരള ഘടകത്തില് കേന്ദ്രം അഴിച്ചുപണിക്ക് ഒരുങ്ങുന്നുണ്ട് എന്ന കാര്യം സത്യമാണ്. നിയമസഭാ തിരഞ്ഞെടുപ്പിലെ തോല്വിയും കുഴല്പ്പണ കേസിലെ ആരോപണങ്ങളും പ്രതിസന്ധി രൂക്ഷമാക്കിയതോടെയാണ് കേന്ദ്രം ഇത്തരത്തിലുള്ള നീക്കം നടത്തുന്നത്.
https://www.facebook.com/Malayalivartha