കോവിഡ് പ്രതിസന്ധി കാലത്തും ജനങ്ങളോട് യാതൊരുവിധ ഉത്തരവാദിത്വവും കാണിക്കാതെ കേന്ദ്രസർക്കാർ നിരന്തരമായി ഇന്ധന വില വർദ്ധിപ്പിക്കുകയാണ്;അമിതമായി പിരിച്ചെടുക്കുന്ന എക്സൈസ് തീരുവ കുറയ്ക്കുവാൻ കേന്ദ്രസർക്കാർ മുന്നോട്ടു വന്നില്ലെങ്കിൽ കടുത്ത ജനരോക്ഷം നേരിടേണ്ടിവരും; ഇത്രയും ക്രൂരത കേന്ദ്രസർക്കാർ കാണിക്കരുതെന്ന് രമേശ് ചെന്നിത്തല
ജന പ്രക്ഷോഭം വക വയ്ക്കാതെ, ജന വികാരം മനസ്സിലാക്കാതെ കേന്ദ്ര സർകാർ ഇന്ധന വില വർധിപ്പിച്ച് തീവെട്ടി കൊള്ള നടത്തുകയാണെന്ന് തുറന്നടിച്ച് രമേശ് ചെന്നിത്തല. ഇന്ന് കേരളത്തിൽ ഡീസൽ വിലയും നൂറു കടന്നുവെന്ന കാര്യം ചൂണ്ടിക്കാട്ടി അദ്ദേഹം ഫെയ്സ്ബുക്കിൽ പങ്കു വച്ച കുറിപ്പ് ഇങ്ങനെ;
ജന പ്രക്ഷോഭം വക വയ്ക്കാതെ, ജന വികാരം മനസ്സിലാക്കാതെ കേന്ദ്ര സർകാർ ഇന്ധന വില വർധിപ്പിച്ച് തീവെട്ടി കൊള്ള നടത്തുകയാണ്. ഇന്ന് കേരളത്തിൽ ഡീസൽ വിലയും നൂറു കടന്നു. കോവിഡ് പ്രതിസന്ധി കാലത്തും ജനങ്ങളോട് യാതൊരുവിധ ഉത്തരവാദിത്വവും കാണിക്കാതെ കേന്ദ്രസർക്കാർ നിരന്തരമായി ഇന്ധന വില വർദ്ധിപ്പിക്കുകയാണ്.
അമിതമായി പിരിച്ചെടുക്കുന്ന എക്സൈസ് തീരുവ കുറയ്ക്കുവാൻ കേന്ദ്രസർക്കാർ മുന്നോട്ടു വന്നില്ലെങ്കിൽ കടുത്ത ജനരോക്ഷം നേരിടേണ്ടിവരും. വരുമാനം തൊഴിൽ നഷ്ടങ്ങൾ കാരണം ഏറെക്കാലമായി ദുരിതമനുഭവിക്കുന്ന ജനങ്ങൾക്ക് നേരെ ഇത്രയും ക്രൂരത കേന്ദ്രസർക്കാർ കാണിക്കരുത്.
ഇന്ധനവില വർദ്ധനവ് കാരണം ആവശ്യ സാധനങ്ങളുടെ വിലക്കയറ്റവും ജനങ്ങളെ ബുദ്ധിമുട്ടിക്കുകയാണ്. ഇന്ധന വിൽപ്പനയിൽ നിന്നും കിട്ടുന്ന അമിത വരുമാനം വേണ്ടെന്ന് സംസ്ഥാന സർക്കാർ തീരുമാനിക്കുകയാണെങ്കിൽ ജനങ്ങൾക്ക് നേരിയ ഒരു ആശ്വാസം നൽകുവാൻ കഴിയും. ചെകുത്താനും കടലിനും ഇടയ്ക്ക് എന്ന പോലെ ജനങ്ങൾ പ്രകൃതി ദുരന്തങ്ങൾക്കും സർക്കാറുകൾക്കും ഇടയിൽ വലയുകയാണ്.
https://www.facebook.com/Malayalivartha