ലൈഫ് മിഷൻ കോഴക്കേസിൽ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം.ശിവശങ്കർ അറസ്റ്റിലായതോടെ പ്രതിപക്ഷം കൂടോടെ ഇളകിയിരിക്കുകയാണ്. പ്രതിപക്ഷ നേതാവ് വി ഡി സതീശൻ ഈ വിഷയത്തിൽ നിർണായകമായ പ്രതികരണം നടത്തിയിരിക്കുകയാണ്. മുഖ്യമന്ത്രിയെ വിമർശിച്ചാണ് അദ്ദേഹം രംഗത്ത് വന്നിരിക്കുന്നത്. അദ്ദേഹത്തിന്റെ വാക്കുകൾ ഇങ്ങനെയാണ് ; ലൈഫ് മിഷൻ കോഴക്കേസിൽ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം.ശിവശങ്കർ അറസ്റ്റിലായതോടെ ഒന്നാം പിണറായി സർക്കാരിലെ മൂടിവയ്ക്കപ്പെട്ട അഴിമതികൾ ഒന്നൊന്നായി പുറത്ത് വരികയാണ്. സത്യം ഒരിക്കലും മൂടി വയ്ക്കാൻ കഴിയില്ല. ചോദ്യങ്ങൾ ഇനിയും ഉയരും.

പ്രതിപക്ഷവും ജനങ്ങളും ഉയർത്തുന്ന ചോദ്യങൾക്ക് മുഖ്യമന്ത്രി മറുപടി പറയണമെന്നും പ്രതിപക്ഷ നേതാവ് ആവശ്യപ്പെട്ടു .ശിവശങ്കൻ അറസ്റ്റിൽ മുഖ്യമന്ത്രി മറുപടി പറയണമെന്ന് പ്രതിപക്ഷനേതാവ് ആവശ്യപ്പെട്ടു. മുഖ്യമന്ത്രിക്ക് പങ്കില്ലെങ്കിൽ സിബിഐ അന്വേഷണം പേടിക്കുന്നത് എന്തിന് എന്നാണ് വിധി സതീശൻ ചോദിക്കുന്നത്.

ബുദ്ധിമുട്ടുള്ള ചോദ്യങ്ങൾ ഉയരുമ്പോൾ മുഖ്യമന്ത്രി മിണ്ടില്ലെന്നും അദ്ദേഹം കുറ്റപ്പെടുത്തി. മാത്രമല്ല എല്ലാ വിഷയങ്ങളിലും സമരം ചെയ്യാൻ പറ്റില്ല എന്നും അദ്ദേഹം പറഞ്ഞു ലൈഫ് വിഷയത്തിൽ സമരത്തിന് ഉണ്ടോ എന്ന് ചോദ്യത്തിന് പ്രതികരിക്കുകയായിരുന്നു പ്രതിപക്ഷ നേതാവ് . സൂര്യന് താഴെയുള്ള എല്ലാ വിഷയത്തിലും സമരം ചെയ്യാനാവില്ല എന്നാണ് അദ്ദേഹം പറഞ്ഞത്.

അതേസമയം ശിവശങ്കറിന്റെ അറസ്റ്റ് രേഖപ്പെടുത്തിയതോടെ നിർണായകമായ മറ്റൊരു വിവരം കൂടെ പുറത്ത് വന്നിരിക്കുകയാണ്. കോഴ ഇടപാട് കേസിൽ ഒരാളെ കൂടി പുതിയതായി പ്രതി ചേർത്തിരിക്കുകയാണ്. തിരുവനന്തപുരം സ്വദേശി യദു കൃഷ്ണനെയാണ് പ്രതി ചേർത്തിരിക്കുന്നത്. ഇ ഡി തന്നെയാണ് ഇയാളെ പ്രതി ചേർത്തത്. യദു കൃഷ്ണന് മൂന്നു ലക്ഷം രൂപയാണ് കോഴ കിട്ടിയത് എന്നതാണ് ശ്രദ്ധേയമായ കാര്യം. യൂണിറ്റാക്ക് കമ്ബനിയെ സരിത്തിന് പരിചയപ്പെടുത്തിയതിനാണ് കോഴ കൊടുത്തത് .

പണവും കിട്ടിയ അകൗണ്ട് വിശദാശംങ്ങളും ഇ ഡി കസ്റ്റഡിയിലെടുത്തു. എന്തായാലും നിർണായകമായ ഒരു അറസ്റ്റ് കൂടി ഇ ഡി രേഖപ്പെടുത്തിയിരിക്കുകയാണ്. അതേസമയം ശിവശങ്കറിനെ അഞ്ചാം പ്രതിയാക്കിയിരിക്കുകയാണ്‌.അദ്ദേഹത്തെ വൈദ്യ പരിശോധനയ്ക്കു കൊണ്ട് വന്നിരിക്കുകയാണ് .