ആവശ്യത്തിന് അപ്പുറത് കാര്യങ്ങൾ ഉള്ളപ്പോൾ , പിണറായിക്ക് ഇപ്പോൾ മനസമാധാനം നഷ്ട്ടമായിരിക്കുകയാണ്, അപ്പുറത് വീട്ടിൽ എന്താ നടക്കുന്നതെന്നറിയാൻ ആണ് പിണറായിക്ക് താല്പര്യം കൂടുതൽ ഇപ്പോഴിതാ ജമാ അത്തെ ഇസ്ലാമിയും ആര്‍എസ്എസും തമ്മില്‍ ചര്‍ച്ച നടത്തി എന്ന വാര്‍ത്തയില്‍ വിറളി പൂണ്ട് മുഖ്യമന്ത്രി പിണറായി വിജയന്‍. ഇത് സംബന്ധിച്ച് വെള്ളിയാഴ്ച പിണറായി വിജയന്‍ നടത്തിയ പ്രസ്താവന അദ്ദേഹത്തിന്‍റെ അസ്വസ്ഥതയാണ് വെളിവാക്കുന്നതെന്ന പ്രതികരണമാണ് സമൂഹമാധ്യമങ്ങളില്‍ നിറയുന്നത്. "സംഘപരിവാറുമായി വിയോജിപ്പുകൾക്കപ്പുറം സംവാദങ്ങളും ചർച്ചകളും ആവശ്യമാണെന്ന ജമാഅത്തെ ഇസ്ലാമിയുടെ ന്യായം അവരുടെ കാപട്യത്തെ വെളിവാക്കുന്നുവെന്ന അഭിപ്രായപ്രകടനമാണ്"- പിണറായി വിജയന്‍ ഫേസ്ബുക്കില്‍ പങ്കുവെച്ച കുറിപ്പില്‍ പറയുന്നു, ഫേസ്ബുക്കിലൂടെ ജമാ അത്തെ ഇസ്ലാമിക്കെതിരെ പിണറായി ആഞ്ഞടിക്കുന്നത് അദ്ദേഹത്തിന്‍റെ കുത്തിത്തിരിപ്പിന്‍റെ ഭാഗമാണെന്നാണ് സമൂഹമാധ്യമങ്ങളില്‍ വരുന്ന പ്രതികരണം.

എന്താണ് സ്വകാര്യ ചര്‍ച്ചയില്‍ നടന്നതെന്നതിനെ സംബന്ധിച്ചും പിണറായി അസ്വസ്ഥനാണെന്നും സമൂഹമാധ്യമങ്ങള്‍ പറയുന്നു. ആർഎസ്എസുമായി എന്തുകാര്യമാണ് ചർച്ച ചെയ്തതെന്നും കൂടിക്കാഴ്ചയുടെ ഉള്ളടക്കമെന്തെന്നും ജമാഅത്തെ ഇസ്ലാമി നേതൃത്വം വ്യക്തമാക്കണമെന്നാണ് പിണറായി വിജയന്‍ ആവശ്യപ്പെട്ടിരിക്കുന്നത്.
സംഭാഷണങ്ങളിലൂടെ നവീകരിക്കാനും പരിവർത്തനം ചെയ്തെടുക്കാനും കഴിയുന്ന സംഘടനയാണ് ആർഎസ്എസ് എന്ന ജമാഅത്തെ ഇസ്ലാമിയുടെ യുക്തി പുള്ളിപ്പുലിയെ കുളിപ്പിച്ചു പുള്ളിമാറ്റാൻ കഴിയും എന്ന് കരുതുന്നതിന് തുല്യമാണെന്നും പിണറായി പറയുന്നു. ഇന്ത്യൻ ന്യൂനപക്ഷങ്ങളുടെ പൊതുപ്രശ്നങ്ങൾ രാജ്യഭരണം നിയന്ത്രിക്കുന്ന ആർഎസ്എസിനുമുന്നിൽ അവതരിപ്പിക്കാനാണ് ചർച്ച നടത്തിയതെന്ന വാദം അതിലേറെ വിചിത്രവും. ന്യൂനപക്ഷങ്ങളുടെ അട്ടിപ്പേറവകാശം ആരാണ് ജമാഅത്തെ ഇസ്ലാമിക്ക് നൽകിയത്?ചർച്ചയുടെ ഉള്ളടക്കം എന്തുതന്നെയായാലും രാജ്യത്തെ ന്യൂനപക്ഷങ്ങളെ സഹായിക്കാനുള്ളതല്ലെന്നും പിണറായി പറയുന്നു. ഇത് പിണറായിക്കുള്ളിലെ അസ്വസ്ഥത തന്നെയാണ് പുറത്ത് കൊണ്ടുവരുന്നത്. ന്യൂനപക്ഷങ്ങളുടെ സംരക്ഷകനായി ചമഞ്ഞ് വോട്ട്ബാങ്ക് തട്ടാനുള്ള പിണറായിയുടെ കാപട്യത്തിനേറ്റ തിരിച്ചടിയാണ് ഈ വാര്‍ത്ത എന്നും സമൂഹമാധ്യമങ്ങളിലൂടെ പലരും പ്രതികരിക്കുന്നു. ന്യൂനപക്ഷ സംരക്ഷണം എന്നാൽ മത നിരപേക്ഷതയുടെ സംരക്ഷണമാണ്. അതിനു ഭംഗം വരുത്തുന്നത് ആരാണെന്ന് അറിയാത്തവരാണോ ഈ സംഘടനക്കാർ? അത്തരക്കാരുമായി ചർച്ച നടത്തിയാൽ എങ്ങനെയാണ് മത നിരപേക്ഷതയും ന്യൂനപക്ഷ സംരക്ഷണവും സാധ്യമാവുക?

ഇന്ത്യയിലെ മതനിരപേക്ഷ സമൂഹം ഇന്ന് സംഘപരിവാറിന്‍റെ തീവ്ര ഹിന്ദുത്വ രാഷ്ട്രീയത്തിനെതിരെ ശക്തമായി പോരാടുകയാണ്. ഈ ഘട്ടത്തിൽ ആർഎസ്എസ് അജണ്ടയ്ക്ക് ഒത്താശ ചെയ്യുന്നതാണ് ഇത്തരം നടപടികൾ.വർഗ്ഗീയതകൾ പരസ്പരം സന്ധി ചെയ്‌തുകൊണ്ട് മതനിരപേക്ഷതയും ജനാധിപത്യ മൂല്യങ്ങളും തച്ചുടയ്ക്കുന്നതിൽ ഒരേ മനസ്സോടെ നിൽക്കുന്നവരാണ് എന്നതിന് ഇതിൽപ്പരം തെളിവ് വേണ്ട. ഇത് മതനിരപേക്ഷ സമൂഹത്തിനോടുള്ള വെല്ലുവിളിയാണ്.- പിണറായി പറയുന്നു. വീണ്ടും മതനിരപേക്ഷ കുപ്പായമണിഞ്ഞ് ഹിന്ദു വോട്ടുകളും ന്യൂനപക്ഷ മുസ്ലിംവോട്ടുകളും തട്ടി അധികാരത്തില്‍ തുടരാനുള്ള ശ്രമത്തിന്‍റെ ഭാഗമാണ് പിണറായിയുടെ തിടുക്കപ്പെട്ടുള്ള ഈ പ്രസ്താവനയെന്നും സമൂഹമാധ്യമങ്ങളിലെ പ്രതികരണങ്ങളില്‍ പറയുന്നു.