ശബരിമല കേസ്; കുറ്റപത്രം സമര്പ്പിക്കാത്തത് അന്വേഷണം മന്ദഗതിയിലാക്കാനാണ്; ആരോപണവുമായി കെസി വേണുഗോപാല് എംപി
ശബരിമല കേസിൽ കുറ്റപത്രം സമര്പ്പിക്കാത്തതിനാല് ഉണ്ണികൃഷ്ണന് പോറ്റിക്ക് സ്വാഭാവിക ജാമ്യം ലഭിക്കുമെന്നും ഇതിലൂടെ അന്വേഷണം മന്ദഗതിയിലാക്കാനാണ് എസ് ഐ ടി ശ്രമമെന്നും കെസി വേണുഗോപാല് എംപി. സര്ക്കാരിന്റെ സമ്മര്ദ്ദം ഉണ്ടെന്നതിന് തെളിവാണിത്. ശബരിമലയിലെ സ്വര്ണ്ണക്കൊള്ളയ്ക്ക് ഒത്താശ നല്കിയ ഈ സര്ക്കാരിന് അധികാരത്തില് തുടരാന് ധാര്മിക അവകാശമില്ല.ശബരിമല സ്വര്ണ്ണക്കൊള്ളയില് യഥാര്ത്ഥ പ്രതികള് ഇപ്പോഴും ഒളിവിലാണ്.
ഫോറന്സിക് പരിശോധനയില് സ്വര്ണ്ണം നഷ്ടപ്പെട്ടതായി ബോധ്യപ്പെട്ടെന്നും കെസി വേണുഗോപാല് പറഞ്ഞു.ഇഡി അന്വേഷണത്തിന് എതിരല്ല, പക്ഷെ യഥാര്ത്ഥ പ്രതികള് പുറത്തുവരണമെങ്കില് കോടതി നിരീക്ഷണം അനിവാര്യമാണ്.കോടതി നിരീക്ഷണത്തിലുള്ള കേന്ദ്ര ഏജന്സി അന്വേഷണമാണ് പ്രതിപക്ഷം ആവശ്യപ്പെട്ടത്. കോടതി പറയുന്നതിന് അനുസരിച്ചുള്ള എല്ലാ പരിശോധനകളും ശബരിമലയില് നടത്തണമെന്നും കെസി വേണുഗോപാല് പറഞ്ഞു.
https://www.facebook.com/Malayalivartha
