ഗുജറാത്ത് നിയമസഭ തിരഞ്ഞെടുപ്പിന്റെ പ്രചാരണ പരിപാടികൾ അവസാനത്തോടടുക്കുമ്പോൾ ബിജെപിക്ക് കൂടുതൽ തലവേദന സൃഷ്ട്ടിക്കുകയാണ് പട്ടേൽ സമുദായം. പട്ടേൽ സമുദായ പിന്തുണ നഷ്ട്ടപെട്ടതോടെ ബിജെപി പരുങ്ങലിലായിരുന്നു എന്നാൽ ഇപ്പോൾ ബിജെപിക്കെതിരെ ശക്തമായ പ്രചാരണമാണ് പട്ടേൽ സമുദായ നേതാവായ ഹാർദിക് പട്ടേൽ നടത്തുന്നത്. വാട്സ്‌ആപ്പ് കേന്ദ്രീകരിച്ചുള്ള പ്രചാരണമാണ് പ്രധാനമായും നടക്കുന്നത്. സംസ്ഥാനത്തെ മാധ്യമങ്ങളെയെല്ലാം ബിജെപി വിലയ്ക്ക് വാങ്ങിയിരിക്കുന്നതിനാലാണ് വാട്സ്‌ആപ്പ് ഗ്രൂപ്പുകള്‍ കേന്ദ്രീകരിച്ച്‌ പ്രചരണം നടത്തുന്നതെന്ന് പട്ടേല്‍ സമുദായ നേതാക്കള്‍ പറഞ്ഞു.

പരമാവധി യുവാക്കളെ പങ്കെടുപ്പിച്ച്‌ കൊണ്ടാണ് വാട്സ്‌ആപ്പ് ഗ്രൂപ്പുകള്‍ പ്രവര്‍ത്തിക്കുന്നത്. ഹാര്‍ദിക് പട്ടേല്‍ നടത്തുന്ന റാലികളും പ്രസംഗങ്ങളും ഷെയർ ചെയ്തു പ്രചരിപ്പിക്കുന്ന ഗ്രൂപ്പുകളില്‍ പ്രധാനമന്ത്രി നരേന്ദ്ര മോദിയ്ക്കെതിെരയും ബിജെപിയ്ക്കെതിരെയും കനത്ത പ്രതിഷേധമാണ് ഉയരുന്നതെന്നും നേതാക്കള്‍ വിശദീകരിച്ചു. ഒബിസി സംവരണം സംബന്ധിച്ച പ്രശ്നങ്ങളും ബിജെപിക്കെതിരായ വാര്‍ത്തകളും ഗ്രൂപ്പുകള്‍ വഴി പ്രചരിക്കുന്നുണ്ട്. സംവരണ വിഷയത്തിലുണ്ടായ തര്‍ക്കം മൂലമാണ് കഴിഞ്ഞ തിരഞ്ഞെടുപ്പ് വരെ ബിജെപിക്കൊപ്പം നിന്ന പട്ടേല്‍ സമുദായം ഇത്തവണ കോണ്‍ഗ്രസ് ചേരിയിലെത്തിയത്.