വിസിറ്റിംഗ് വിസകള്‍ സ്മാര്‍ട് ഫോണ്‍ വഴി
അബുദാബിയില്‍ ഹ്രസ്വകാല സന്ദര്‍ശക വിസകള്‍ ഇനി സ്മാര്‍ട് ഫോണ്‍ വഴി ലഭ്യമാകുമെന്ന് ആഭ്യന്തര മന്ത്രാലയം അറിയിച്ചു. താമസ കുടിയേറ്റ വകുപ്പിന്റേയും സിവില്‍ ഡിഫന്‍സിന്റേയും പോലീസിന്റേയുമെല്ലാം സഹായങ്ങള്‍ സ്മാര്‍ട് ഫോണ്‍ വഴി ലഭിക്കുമെന്ന് അധികൃതര്‍ അറിയിച്ചു.
30 ദിവസം കാലാവധിയുള്ള സന്ദര്‍ശന വിസകളാണ് സ്മാര്‍ട് ഫോണ്‍ വഴി ലഭ്യമാകുക. രാജ്യത്തെ താമസ കുടിയേറ്റ വകുപ്പ് കാര്യാലയങ്ങളില്‍ പോകാതെ തന്നെ വിസ ജനങ്ങള്‍ക്ക് ലഭിക്കും. വിസ ആഭ്യന്തരമന്ത്രാലയം അംഗീകരിച്ച കമ്പനി വഴി അപേക്ഷകനു കിട്ടും. സ്വദേശികളുടെ പാസ്‌പോര്‍ട്ട് പുതുക്കല്‍ പ്രക്രീയകളും ഇനി മുതല്‍ സ്മാര്‍ട്ടാകും. ക്രിമിനല്‍ കേസുകളൊന്നും നിലനില്‍ക്കുന്നില്ലെന്നു തെളിയിക്കാന്‍ പോലീസ് നല്‍കുന്ന നല്ലനടപ്പു പത്രവും സ്മാര്‍ട് ഫോണ്‍ വഴി ലഭിക്കും.
സിവില്‍ ഡിഫന്‍സ് ഡിപ്പാര്‍ട്ട്‌മെന്റ്, പോലീസ്, താമസകുടിയേറ്റ വകുപ്പ് എന്നിവയുടെ കൂടുതല്‍ സേവനങ്ങള്‍ സ്മാര്‍ട് ഫോണ്‍ വഴിയാക്കാനുള്ള നടപടികള്‍ പൂര്‍ത്തിയായി വരികയാണ്. സ്വദേശികള്‍ക്കും വിദേശികള്‍ക്കും മന്ത്രാലയ സേവനങ്ങള്‍ വേഗത്തിലും എളുപ്പത്തിലുമാക്കാന്‍ സ്മാര്‍ട് സേവനങ്ങള്‍ക്കാകും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
