പ്രവാസികളുടെ ശക്തമായ പ്രതിഷേധം ടിക്കറ്റ് നിരക്ക് അഞ്ചിരട്ടിയാക്കി വര്ധിപ്പിച്ച നടപടി പിന്വലിച്ച് എയര് ഇന്ത്യ; പിന്വലിച്ചത് ഗള്ഫ് സെക്ടറില് നിന്നുള്ള നിരക്ക്
കിടപ്പിലായ രോഗികളെ വിമാനത്തില് കൊണ്ടുപോകുന്ന സ്ട്രെച്ചര് സംവിധാനമുള്ള ടിക്കറ്റിന്റെ നിരക്ക് അഞ്ചിരട്ടിയാക്കി വര്ധിപ്പിച്ച നടപടി എയര് ഇന്ത്യ പിന്വലിച്ചു. ഗള്ഫ് സെക്ടറില് നിന്നുള്ള നിരക്ക് വര്ധനവാണ് പിന്വലിച്ചത്. ജൂലായ് 20 മുതലാണ് എയര് ഇന്ത്യ കിടപ്പ് രോഗികളെ കൊണ്ടുപോകുന്ന സ്ട്രച്ചര് ടിക്കറ്റുകളുടെ നിരക്ക് അഞ്ചിരട്ടിയായി വര്ധിപ്പിച്ചത്.
ഗള്ഫിലെ ചികിത്സാച്ചെലവ് താങ്ങാനാവാതെ നിരവധി പേരെയാണ് സ്ട്രെച്ചറില് നാട്ടിലേക്ക് എത്തിച്ചിരുന്നത്. അതിനായി ഏറെപ്പേരും ആശ്രയിച്ചിരുന്നത് എയര് ഇന്ത്യയെയാണ.്
ഇക്കണോമിക് ക്ലാസ്സിലെ തന്നെ ഏറ്റവും ഉയര്ന്ന ക്ലാസ്സായ വൈ ക്ലാസ്സിലേക്ക് സ്ട്രെച്ചര് ടിക്കറ്റ് മാറ്റിയായിരുന്നു രോഗികളായ യാത്രക്കാരെ കൊള്ളയടിക്കുന്ന നടപടിക്ക്. നേരത്തെ ഇക്കണോമിക് ക്ലാസ്സിലെ സബ് ക്ലാസ്സായ കെ ക്ലാസ്സിലായിരുന്നു കിടപ്പിലായ രോഗികളെ കൊണ്ടുപോകാനുള്ള സ്ട്രെച്ചര് ടിക്കറ്റ് നല്കിയിരുന്നത്. ഈ മാസം 20 മുതല് പ്രാബല്യത്തില് വന്ന സര്ക്കുലര് നമ്പര് 2933ലുള്ള തീരുമാനമാണ് പിന്വലിച്ചിരിക്കുന്നത്. എയര് ഇന്ത്യയ്ക്കെതിരെ വ്യാപക പ്രതിഷേധവും ഉയര്ന്നതിനെ തുടര്ന്നായിരുന്നു നടപടി. അതേസമയം ആഭ്യന്തര സര്വീസുകളിലും മറ്റ് അന്താരാഷ്ട്ര സര്വീസുകളിലും വര്ധിപ്പിച്ച നിരക്ക് തുടരുമെന്നും അധികൃതര് അറിയിച്ചു.
https://www.facebook.com/Malayalivartha
