സൗദിയില് ഇന്റര്നെറ്റ് ഉപയോഗത്തിന് നിയന്ത്രണം വരുന്നു
സൗദിയില് വീഡിയോകളും ഫോട്ടോകളും ഇന്റര്നെറ്റില് അപ്ലോഡ് ചെയ്യുന്നതിനും ഷെയര് ചെയ്യുന്നതിനും നിയന്ത്രണം വരുന്നു.യാതൊരു നിയന്ത്രണവുമില്ലാതെ നിയമവിരുദ്ധമായി വീഡിയോകളും ഫോട്ടോകളും ഇന്റര്നെറ്റില് പോസ്റ്റ് ചെയ്യുന്നതും ഷെയര് ചെയ്യുന്നതും വ്യാപകമായ സാഹചര്യത്തിലാണ് വിവര സാംസ്കാരിക മന്ത്രാലയം ഇതിനു നിയന്ത്രണം ഏര്പ്പെടുത്തുന്നത്.രാജ്യത്ത് സിനിമാ തീയേറ്ററുകള് അനുവദിക്കുന്നത് പരിഗണനയില് ആണെന്നും അധികൃതര് അറിയിച്ചു.
രാജ്യത്ത് നിലവിലുള്ള നിയമങ്ങളും മതപരമായ വിലക്കുകളും ലംഘിച്ചുകൊണ്ടാണ് പലരും ചിത്രങ്ങള് നിര്മിക്കുന്നതും യൂടുബ് ഉള്പ്പെടെയുള്ള മീഡിയകളില് അപ്ലോഡ് ചെയ്യുന്നതും. ഇത് നിരീക്ഷിക്കാനും നിയന്ത്രിക്കാനും നിര്മാണത്തിനുള്ള അനുമതി നല്കാനുമായി പ്രത്യേക സമിതി രൂപീകരിക്കാനുമാണ് നീക്കം. അതോടൊപ്പം ഈ വിഷയത്തില് പൊതുജനങ്ങള്ക്കിടയില് ബോധവല്ക്കരണം നടത്താനും കഴിഞ്ഞ ദിവസം അവസാനിച്ച ഡിജിറ്റല് വിഷ്വല് ഫോറം നിര്ദേശിച്ചു. രാജ്യത്ത് സിനിമ നിര്മിക്കാനും സിനിമാ തീയേറ്ററുകള് സ്ഥാപിക്കാനും അനുമതി നല്കുന്ന കാര്യം അധികൃതരുടെ പരിഗണനയിലാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha