ഖത്തറിന്റെ കായിക മുന്നേറ്റത്തില്‍ മറ്റൊരു പൊന്‍തൂവല്‍ 2019ലെ ഐ.എ.എ.എഫ് ലോക അത്‌ലറ്റിക് ചാമ്പ്യന്‍ഷിപ്പ് വേദിയായി ദോഹ തെരഞ്ഞെടുക്കപ്പെട്ടു. 2022ലെ ലോകകപ്പ് ഫുട്ബാള്‍ ചാമ്പ്യന്‍ഷിപ്പ് വേദി ലഭിച്ചതിന് ശേഷം ലോകത്തിലെ ഏറ്റവും വലിയ മറ്റൊരു കായിക മാമാങ്കമാണ് ഖത്തിലത്തുന്നത്. 2019 ലെ വേദിക്കായി ബിഡ് സമര്‍പ്പിച്ച സ്‌പെയിനിലെ ബാഴ്‌സലോണ അമേരിക്കന്‍ നഗരമായ യുജീന്‍ (ഒറിഗണ്‍) എന്നിവയെ പരാജയപ്പെടുത്തിയാണ് ദോഹ വേദി സ്വന്തമാക്കിയത്.

2019 സെപ്തംബര്‍ അവസാനം ഖത്തറിലെ ആസ്പയര്‍ സോണിലുള്ള ഖലീഫ ഇന്റര്‍നാഷണല്‍ സ്‌റ്റേഡിയത്തിലാണ് അത്‌ലറ്റിക് മത്സരങ്ങള്‍ നടക്കുക. ലോകകപ്പ് ഫുട്ബാള്‍ സ്‌റ്റേഡിയം കൂടിയായ ഇതിന്റെ നവീകരണ പ്രവര്‍ത്തനങ്ങള്‍ കഴിഞ്ഞ ആഴ്ചയാണ് ആരംഭിച്ചത്. അത്‌ലറ്റിക്‌സിന്റെ വളര്‍ച്ചക്കായി രാജ്യം വളരെയേറെ പ്രയത്‌നിക്കുന്നുണ്ടെന്നും മഹത്തായ ലോക ചാമ്പ്യന്‍ഷിപ്പിന് ആതിഥ്യമേകാന്‍ ഒരുങ്ങിയതായും ഖത്തര്‍ ഒളിമ്പിക് കമ്മിറ്റി സെക്രട്ടറി ജനറല്‍ ശൈഖ് സഊദ് ബിന്‍ അബ്ദുറഹ്മാന്‍ ആല്‍ഥാനി പറഞ്ഞു.

സ്പ്രിന്റ്‌സ്, മാരത്തണ്‍, ഹൈജംപ്, ജാവലിന്‍ ത്രോ തുടങ്ങി വിവിധ ട്രാക്ക് ആന്‍ഡ് ഫീല്‍ഡ് മത്സരങ്ങളാണ് ചാമ്പ്യന്‍ഷിപ്പിലുണ്ടാവുക.ഇന്നലെ മൊണാക്കോയില്‍ നടന്ന ഇന്റര്‍നാഷണല്‍ അസോസിയേഷന്‍ ഓഫ് അത് ലറ്റിക് ഫെഡറേഷന്‍ യോഗത്തിലാണ് ദോഹ വേദിയായി തെരഞ്ഞെടുക്കപ്പെട്ടത്. ഖത്തറിന്റെ അഭിമാനതാരവും ഹൈജംപില്‍ ഒളിമ്പിക് വെളളി മെഡല്‍ ജേതാവുമായ മുഅ്തസ് അല്‍ ബര്‍ഷിമാണ് \'കണക്റ്റിങ് ദ വേള്‍ഡ് ഓഫ് അത്‌ലറ്റിക്‌സ്\' എന്ന സന്ദേശവുമായി ഖത്തറിന്റെ ബിഡ് സമര്‍പ്പിച്ച് സംസാരിച്ചത്. ഖത്തറിന്റെ മറ്റൊരു കായിക താരമായ മറിയം ഫരീദും സംസാരിച്ചു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha