വ്യാജരേഖകള് ഉപയോഗിച്ച് സന്ദര്ശകവീസ തരപ്പെടുത്തിക്കൊടുക്കുന്ന 2 ഇന്ത്യക്കാര് പിടിയില്
വ്യാജരേഖകള് ഉപയോഗിച്ച് സന്ദര്ശകവീസ തരപ്പെടുത്തിക്കൊടുക്കുന്ന ഇന്ത്യക്കാരായ രണ്ടുപേര് കുവൈറ്റില് പിടിയിലായി. നാനൂറിലേറെ വീസകള് ഇവര് അത്തരത്തില് തരപ്പെടുത്തിയിട്ടുണ്ടെന്നാണ് വിവരം. വ്യാജരേഖ ചമച്ചു വ്യാപകമായ തോതില് സന്ദര്ശകവീസ എടുക്കുന്നതായും വില്പ്പന നടത്തുന്നതായും ആഭ്യന്തരമന്ത്രാലയത്തിലെ ഓപ്പറേഷന്സ് റൂമില് ലഭിച്ച പരാതിയെത്തുടര്ന്നുള്ള അന്വേഷണത്തിലാണ് ഇവര് പിടിയിലായത്. രഹസ്യവിവരത്തിന്റെ അടിസ്ഥാനത്തില് നടത്തിയ നിരീക്ഷണത്തില് ഒരാളെ പിടികൂടി. അയാളില്നിന്നു ലഭിച്ച വിവരത്തെത്തുടര്ന്ന് രണ്ടാമനെയും പിടികൂടുകയായിരുന്നു.
സന്ദര്ശക വീസ ലഭിക്കുന്നതിന് അപേക്ഷകന്റെ ശമ്പളപരിധി ഉള്പ്പെടെ വിവിധ ഉപാധികളുണ്ട്. നിശ്ചിത ശമ്പളപരിധി ഇല്ലാത്തവര്ക്കാണ് സംഘം പ്രധാനമായും സന്ദര്ശകവീസ തരപ്പെടുത്തിക്കൊടുത്തിരുന്നത്. ശമ്പളം സംബന്ധിച്ച രേഖകള് കൃത്രിമമായി ഉണ്ടാക്കിയും മറ്റുമായിരുന്നു ഇവര് വീസ സമ്പാദിച്ചിരുന്നത്.
ഉദ്യോഗസ്ഥതലത്തില് ആര്ക്കെങ്കിലും സംഘവുമായി ബന്ധമുണ്ടോയെന്ന കാര്യവും അന്വേഷിക്കുന്നുണ്ട്. കുടുംബ സന്ദര്ശക വീസയാണ് സംഘം പ്രധാനമായും നല്കിയിരുന്നത്.
https://www.facebook.com/Malayalivartha