ദുബായില് ടാക്സി നിരക്ക് കൂട്ടി; പീക്ക്, ഓഫ് പീക്ക് നിരക്കുകളില് വ്യത്യാസം
എമിറേറ്റില് ടാക്സിനിരക്ക് കൂട്ടിക്കൊണ്ട് ആര്.ടി.എ. പ്രഖ്യാപനമിറക്കി. ഡിസംബര് ഒന്ന് മുതല് കൂടിയ നിരക്ക് പ്രാബല്യത്തില് വരും. മികച്ച സര്വീസ് ലഭ്യമാക്കുകയെന്ന ലക്ഷ്യത്തോടെയാണ് നിരക്ക് വര്ധനയെന്ന് പബ്ലിക് ട്രാന്സ്പോര്ട് ഏജന്സി സി.ഇ.ഒ. ഡോ. യൂസുഫ് മുഹമ്മദ് അല് അലി പറഞ്ഞു.
നിലവില് സാധാരണ ടാക്സികളില് കുറഞ്ഞ യാത്രാക്കൂലി 10 ദിര്ഹമാണ്. ഇതില് മാറ്റം വരുത്തിയിട്ടില്ല. എന്നാല്, മീറ്റര് തുടങ്ങിയിരുന്നത് 3.50 ദിര്ഹമില് നിന്നായിരുന്നു. ഈ തുക കുത്തനെ കൂട്ടിക്കൊണ്ടാണ് ഇപ്പോള് ആര്.ടി.എ പ്രഖ്യാപനമിറക്കിയത്.
ആര്.ടി.എയ്ക്ക് കീഴില് സര്വീസ് നടത്തുന്ന മുഴുവന് ടാക്സികള്ക്കും പുതുക്കിയ നിരക്ക് ബാധകമാണ്. ഡിസംബര് ഒന്ന് മുതല് മൂന്നാഴ്ചയ്ക്കകം ടാക്സി മീറ്ററുകള് പുതിയ നിരക്കിന് അനുസൃതമായി ക്രമീകരിക്കുമെന്ന് ഡോ. യൂസുഫ് മുഹമ്മദ് അല് അലി വ്യക്തമാക്കി.പൊതുഗതാഗത വാഹനങ്ങളായ ബസ്, ട്രാം, മെട്രോ യാത്രയ്ക്കുള്ള നോല് കാര്ഡ് പാക്കേജുകളില് മാറ്റംവരുത്തിയ പശ്ചാത്തലത്തിലാണ് ടാക്സികളുടെ നിരക്ക് പുനപ്പരിശോധിച്ചത്. പരമാവധി ടാക്സികള് രംഗത്തിറക്കിയും തിരക്കേറിയ സമയങ്ങളില് സര്വീസ് ഉറപ്പുവരുത്തിയും സേവനം മെച്ചപ്പെടുത്താനാണ് അതോറിറ്റിയുടെ ശ്രമം. നിരക്ക് വര്ധനയിലൂടെ ഈ ലക്ഷ്യം കൈവരിക്കാനാണ് പദ്ധതിയിടുന്നത്.
ഓഫ് പീക്ക്, പീക്ക് സമയങ്ങളിലെ നിരക്കുകളില് വ്യത്യാസമുണ്ട്. രാവിലെ പത്ത് മുതല് വൈകിട്ട് നാലുവരെയും രാത്രി എട്ടുമുതല് പിറ്റേന്ന് രാവിലെ ഏഴുവരെയുമുള്ള ഓഫ് പീക്ക് നിരക്ക് പ്രകാരം മീറ്റര് റീഡിങ് തുടങ്ങുന്നത് അഞ്ച് ദിര്ഹമില്നിന്നാണ്. എന്നാല് ഈ സമയങ്ങളില് ബുക്ക് ചെയ്ത് വിളിക്കുകയാണെങ്കില് എട്ട് ദിര്ഹം മുതല് നല്കണം. രാവിലെയും വൈകിട്ടുമുള്ള പീക്ക് സയമങ്ങളില് മീറ്റര്തുക തുടങ്ങുന്നത് 12 ദിര്ഹം മുതലാണ്. ശനി മുതല് ബുധന് വരെയുള്ള ദിവസങ്ങളില് രാവിലെ ഏഴ് മുതല് പത്ത് വരെയും വൈകിട്ട് നാല് മുതല് എട്ട് വരെയുമാണ് \'പീക്ക്\' സമയമായി നിശ്ചയിച്ചിരിക്കുന്നത്. വ്യാഴം, വെള്ളി ദിവസങ്ങളിലെ പീക്ക് സമയം വൈകിട്ട് നാല് മുതല് അര്ധരാത്രി 12 വരെയാണ്.
ടാക്സി ഡ്രൈവര്മാരുടെ വരുമാനം വര്ധിപ്പിച്ച് അവരുടെ സേവനം മെച്ചപ്പെടുത്താനും നിരക്കുവര്ധനയിലൂടെ ലക്ഷ്യമിടുന്നുണ്ടെന്ന് ഡോ. യൂസുഫ് വ്യക്തമാക്കി.
https://www.facebook.com/Malayalivartha
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha