സൗദി അറേബ്യയില്‍ നിതാഖത്തിന്റെ അടുത്തഘട്ടം ഏപ്രിലില്‍ തുടങ്ങും. കൂടുതല്‍ സ്വകാര്യമേഖലകളില്‍ കൂടി സ്വദേശികള്‍ക്ക് തൊഴിലവസരം കിട്ടുന്നതാണ് പദ്ധതി.

നിതാഖത്തിന്റെ മൂന്നാംഘട്ടം ഏപ്രില്‍ ഇരുപത് മുതലാണ് പ്രാബല്യത്തില്‍ വരുകയെന്ന് തൊഴില്‍ മന്ത്രി ആദില്‍ഫക്കി അറിയിച്ചു. സ്വകാര്യ മേഖല ഉള്‍പ്പെടെയുള്ള കൂടുതല്‍ തൊഴില്‍ മേഖലകളെ പദ്ധതിയില്‍ ഉള്‍പ്പെടുത്തും. മൂന്നു വര്‍ഷത്തിനുള്ളില്‍ ഒരു ലക്ഷം സ്വദേശികള്‍ക്ക്‌തൊഴില്‍ പരിശീലനം നല്‍കാനും പദ്ധതിയുണ്ട്. വ്യാജ സൗദി വല്‍ക്കരണവും ബിനാമി ബിസിനസും തടയുന്നതിന് പുതിയ നിയമം കൊണ്ടുവരും. പ്രവാസികളെ ഇത് ബാധിക്കുമെന്നതില്‍ സംശയമില്ല.

ആഭ്യന്തരമന്ത്രാലയവുമായി ചേര്‍ന്നു ഇതിനായി പഠനം നടത്തി വരികയാണെന്ന് മന്ത്രി അറിയിച്ചു. കഴിഞ്ഞ വര്‍ഷാവസാനം വരെ നിതാഖാത് വഴി ഏഴര ലക്ഷം സ്വദേശികള്‍ക്ക്‌സ്വകാര്യ മേഖലയില്‍ ജോലി ലഭിച്ചു.
നിലവില്‍ ഏതാണ്ട് ആറര ലക്ഷത്തോളം തൊഴില്‍രഹിതരായ സ്വദേശികള്‍ ഉണ്ടെന്നാണ് കണക്ക്. നിതാഖാതിനു മുമ്പ് സ്വകാര്യ മേഖലയിലുള്ള സ്വദേശിവല്‍ക്കരണത്തിന്റെ തോത് ഏഴു ശതമാനം ആയിരുന്നു.
നിതാഖാതിനു ശേഷം ഇത് 15.6 ശതമാനം ആയി. കൂടാതെ തൊഴിലാളിയുടെ പുതിയ പാസ്‌പോര്‍ട്ട് നമ്പര്‍ ജവാസാത്ത് സിസ്റ്റത്തില്‍ മാറ്റുന്നതിന് പുതിയ പാസ്‌പോര്‍ട്ട് വിഭാഗവും നിലവില്‍ വന്നു. തൊഴിലാളികളുടെ പാസ്‌പോര്‍ട്ട് നമ്പര്‍ മാറുന്ന സാഹചര്യത്തില്‍ അത് രേഖകളില്‍ ചേര്‍ക്കാന്‍ തൊഴിലുടമയ്ക്ക് കഴിയുന്ന സംവിധാനമാണ് ജവാസാത്ത്.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha