ഏകീകൃത ജി.സി.സി ലൈസന്സ് പ്രവാസികള്ക്കും പ്രയോജനപ്രദമാകുന്നു
ജി.സി.സി രാജ്യങ്ങള് 2015 ജനുവരി ഒന്നു മുതല് നടപ്പാക്കിയ ഏകീകൃത െ്രെഡവിങ് ലൈസന്സ് സമ്പ്രദായം പ്രവാസികള്ക്കും പ്രയോജനപ്രദമാകുമെന്ന് അധികൃതര്. ആദ്യഘട്ടത്തില് സ്വദേശികള്ക്ക് മാത്രം നല്കിയിരുന്ന ഈ സൗകര്യം പ്രവാസികള്ക്കുകൂടി ബാധകമാക്കിയതായി റോയല് ഒമാന് പോലീസ് അധികൃതര് വ്യക്തമാക്കി. ജി.സി.സിയിലെ ആറ് രാജ്യങ്ങളില് ഒന്നില് നിന്ന് ലൈസന്സ് എടുത്തവര്ക്ക് ജോലിയാവശ്യാര്ഥമോ മറ്റോ അംഗരാജ്യങ്ങളിലേക്ക് മാറേണ്ടിവരുമ്പോഴാണ് ഏകീകൃത ലൈസന്സിങ് സംവിധാനം പ്രയോജനപ്പെടുക. പുതിയ പദ്ധതി പ്രകാരം രാജ്യങ്ങള് മാറേണ്ടിവരുമ്പോള് പുതുതായി എത്തുന്ന രാജ്യത്ത് ക്ളാസുകള്ക്കും ടെസ്റ്റുകള്ക്കും വിധേയമാകാതെ ലൈസന്സ് മാറ്റാനാണ് സൗകര്യമുള്ളത്. ലൈസന്സ് എടുത്തതിനു ശേഷം ഒരു വര്ഷം പൂര്ത്തിയാക്കിയവര്ക്ക് മാത്രമാണ് ഏകീകൃത ജി.സി.സി ലൈസന്സിന്റെ സൗകര്യം ലഭിക്കുകയെന്ന് പോലീസ് അധികൃതര് വ്യക്തമാക്കി.
നേരത്തേ ജി.സി.സിയില് രാജ്യങ്ങള് മാറുന്ന പ്രവാസികള് പുതുതായി എത്തുന്ന രാജ്യത്ത് അവിടത്തെ നിയമങ്ങള്ക്ക് ബാധകമായി പുതിയ ലൈസന്സ് എടുക്കേണ്ടി വന്നിരുന്നു. ഇതുമൂലം അനുഭവിച്ചിരുന്ന ബുദ്ധിമുട്ടുകള് ഏകീകൃത ജി.സി.സി ലൈസന്സ് സംവിധാനത്തിലൂടെ പരിഹരിക്കാന് സാധിക്കുമെന്ന് അധികൃതര് പറഞ്ഞു. യു.എ.ഇ അടക്കമുള്ള രാജ്യങ്ങളിലേക്ക് മാറുന്നവര്ക്ക് കൂടുതല് നടപടിക്രമങ്ങളില്ലാതെ ലൈസന്സ് മാറ്റാം. ജനുവരി ഒന്നു മുതല് ഏകീകൃത ജി.സി.സി ലൈസന്സ് വിതരണം നടത്തുന്നുണ്ടെന്ന് റോയല് ഒമാന് പൊലീസിലെ ഉദ്യോഗസ്ഥന് പറഞ്ഞു.
ലൈസന്സിന്റെ മുകളില് ഇടതുഭാഗത്ത് ജി.സി.സി ലോഗോ ഉള്പ്പെടുത്തി എന്നത് മാത്രമാണ് പുതിയ ലൈസന്സിലെ വ്യത്യാസം. മറ്റു ജി.സി.സി രാജ്യങ്ങളും ഇത്തരം െ്രെഡവിങ് ലൈസന്സുകള് നല്കിത്തുടങ്ങിയിട്ടുണ്ട്. ഒമാനി െ്രെഡവിങ് ലൈസന്സുള്ള പ്രവാസികള്ക്കും മറ്റു രാജ്യങ്ങളില് വാഹനമോടിക്കം.
സൗദി അറേബ്യയില് സ്ത്രീകള്ക്ക് െ്രെഡവിങ് നിരോധിച്ചതിനാല് അവിടെ സാധിക്കില്ല. ജനുവരി ഒന്നിനു മുമ്പ് ലൈസന്സ് എടുത്തവര്ക്ക് പുതുക്കല് സമയത്ത് പുതിയ സംവിധാനത്തിലേക്ക് മാറിയാല് മതിയെന്നും അദ്ദേഹം വ്യക്തമാക്കി.
അതേസമയം, യു.എ.ഇയും ഒമാനും യോജിച്ച് ഗതാഗത നിയമലംഘന പിഴകള് ഈടാക്കുന്ന സംവിധാനങ്ങളും ആലോചിക്കുന്നുണ്ടെന്ന് അധികൃതര് വ്യക്തമാക്കി.ഇലക്ട്രോണിക് ഡാറ്റ കൈമാറ്റത്തിലൂടെയാണ് പിഴകള് ഈടാക്കുക. മറ്റ് ജി.സി.സി രാജ്യങ്ങളുമായും പിഴ ഈടാക്കുന്നതിന് സഹകരണത്തിന് ആലോചിക്കുന്നുണ്ട്. ഇതിന്റെ നടപടിക്രമങ്ങള് പുരോഗമിക്കുകയാണെന്നും പോലീസ് ഉദ്യോഗസ്ഥന് പറഞ്ഞു.
https://www.facebook.com/Malayalivartha