വലുപ്പത്തിലും വിലയിലും ലണ്ടനില്‍ ഒന്നാം സ്ഥാനത്തുള്ള സോങ് ബേര്‍ഡ് എസ്‌റ്റേറ്റ്‌സ് ഖത്തര്‍ ഇന്‍വെസ്റ്റ്‌മെന്റ് അതോറിറ്റിയും (ക്യുഐഎ) അമേരിക്കന്‍ നിക്ഷേപകരായ ബ്രൂക്ഫീല്‍ഡ് പ്രോപ്പര്‍ട്ടി പാര്‍ട്‌ണേഴ്‌സും ചേര്‍ന്നു സ്വന്തമാക്കിയതായി റിപ്പോര്‍ട്ട്. യുകെയിലെ സാമ്പത്തിക ഹൃദയകേന്ദ്രമായ കാനറി വാര്‍ഫിന്റെ ഉടമാവകാശം സോങ്‌ബേര്‍ഡ് എസ്‌റ്റേറ്റ്‌സിനാണ്. പ്രമുഖ രാജ്യാന്തര ബാങ്കുകളിലൊന്നായ എച്ച്എസ്ബിസിയുടെ ആസ്ഥാനമടക്കം ഒട്ടേറെ ഓഫിസുകളാണു കാനറി വാര്‍ഫ് ടവറില്‍ പ്രവര്‍ത്തിക്കുന്നത്. 1456 കോടി റിയാലിനാണ് (260 കോടി പൗണ്ട്) ഇടപാടെന്നു ലണ്ടനിലെ മാധ്യമങ്ങള്‍ റിപ്പോര്‍ട്ട് ചെയ്തു. ഇതു യുകെയിലെ ഏറ്റവും ഉയര്‍ന്ന ഇടപാടാണ്.
സോങ്‌ബേര്‍ഡ് എസ്‌റ്റേറ്റ്‌സില്‍ നേരത്തെതന്നെ ക്യുഐഎയ്ക്കും ബ്രൂക്ഫീല്‍ഡ് പ്രോപ്പര്‍ട്ടി പാര്‍ട്‌ണേഴ്‌സിനും കാര്യമായ ഓഹരി പങ്കാളിത്തമുണ്ടായിരുന്നു. 1274 കോടി റിയാലിനു സോങ്‌ബേര്‍ഡ് റിയല്‍ എസ്‌റ്റേറ്റ്‌സിന്റെ പൂര്‍ണ ഉടമാവകാശം സ്വന്തമാക്കാന്‍ ക്യുഐഎയും ബ്രൂക്ഫീല്‍ഡ് പ്രോപ്പര്‍ട്ടി പാര്‍ട്‌ണേഴ്‌സും ശ്രമിച്ചിരുന്നു. എന്നാല്‍ ഈ തുക സ്വീകാര്യമല്ലെന്നു കാട്ടി സോങ്‌ബേര്‍ഡ് റിയല്‍ എസ്‌റ്റേറ്റ്‌സ് ഡയറക്ടര്‍ ബോര്‍ഡ് ഇടപാടു നിരസിച്ചു. എന്നാല്‍ സോങ്‌ബേര്‍ഡ് റിയല്‍ എസ്‌റ്റേറ്റ്‌സില്‍ ഓഹരി പങ്കാളിത്തമുള്ള ചൈന ഇന്‍വെസ്റ്റ്‌മെന്റ് കോര്‍പറേഷനും മോര്‍ഗന്‍ സ്റ്റാന്‍ലിയും കുറച്ചുകൂടി ഉയര്‍ന്ന തുകയ്ക്ക് ഇവരുമായിത്തന്നെ ഇടപാടുറപ്പിക്കാന്‍ ഡയറക്ടര്‍ ബോര്‍ഡില്‍ സമ്മര്‍ദം ചെലുത്തുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha