ഒമാനിലെ ബുറൈമിയില്‍ മലയാളി യുവാവ് വെട്ടേറ്റ് മരിച്ചു. തൃശൂര്‍ പാവറട്ടി കാക്കശേരി സ്വദേശി രാജേഷ് കൊന്ദ്രപ്പശേരിയാണ് മരിച്ചത്. ശനിയാഴ്ച രാത്രി 11 മണിയോടെയായിരുന്നു സംഭവം. രാജേഷിന്റെ തലയുടെ വലതുഭാഗത്തും നെറ്റിയിലും കൈകളിലും നെഞ്ചിലും ആഴത്തിലുള്ള മുറിവുകളുള്ളതായി ആശുപത്രി രേഖകളില്‍ വ്യക്തമാക്കുന്നു.

സംഭവത്തില്‍ പാകിസ്ഥാന്‍ സ്വദേശിയെ ഒമാന്‍ പൊലീസ് കസ്റ്റഡിയിലെടുത്തു. മൃതദേഹം ബുറൈമി ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. സംഭവത്തെക്കുറിച്ച്‌ റോയല്‍ ഒമാന്‍ പൊലീസ് അന്വേഷണം ആരംഭിച്ചു.