സുരക്ഷാ നിര്‍ദേശങ്ങള്‍ കൃത്യമായി പാലികാണാമെന്നു നിഷ്‌കർഷിക്കുന്ന രാജ്യമാണ് യു എ ഇ . അതുകൊണ്ടുതന്നെ ആകണം കഴിഞ്ഞ 24 മണിക്കൂറിനുള്ളിൽ ഒറ്റ കോവിഡ് മരണം പോലും അവിടെ റിപ്പോർട്ട് ചെയ്യപ്പെട്ടിട്ടില്ല. കോവിഡ് മാനദണ്ഡങ്ങൾ പാലിക്കുന്നതിന്റെ ഭാഗമായി യുഎഇയിൽ തിരിച്ചെത്തുന്ന താമസ വീസക്കാർ ക്വാറന്റീന്‍ നിയമം ലംഘിച്ചാൽ 10 ലക്ഷത്തിലേറെ രൂപ (അരലക്ഷം ദിർഹം) പിഴയൊടുക്കേണ്ടി വരുമെന്ന് ദേശീയ അടിയന്തര നിവാരണ വിഭാഗം അറിയിച്ചു.

മന്ത്രിസഭാ തീരുമാനം നമ്പര്‍ 17 /2020 പ്രകാരമാണ് നിയമം പ്രാബല്യത്തിൽ വന്നത്. വീടുകളില്‍ ക്വാറന്റീൻ കഴിയേണ്ടതു സംബന്ധിച്ച നിയമാവലികൾ കർശനമായി പാലിക്കണം. ആരോഗ്യ നിബന്ധനകളനുസരിച്ചുള്ള നടപടികൾ അനുസരിക്കാത്തവർക്കെതിരെയും പിഴ ചുമത്തും.

യു എ ഇ യിൽ തിരിച്ചെത്തുന്ന താമസ വിസക്കാർ 14 ദിവസമാണ് ക്വാറന്റീനിലിരിക്കേണ്ടത്. കോവിഡ‍് വ്യാപനം കുറവുള്ള രാജ്യങ്ങളിൽ നിന്നെത്തുന്നവർക്ക് 7 മുതൽ 14 ദിവസം വരെ ക്വാറന്റീൻ ചെയ്താൽ മതി എന്ന ഇളവ് നൽകിയിട്ടുണ്ട് . വീടുകളിലായാലും അധികൃതർ നിർദേശിക്കുന്ന ക്വാറന്റീൻ കേന്ദ്രത്തിലായാലും ഇതിനുള്ള ചെലവു അവരവർ തന്നെ വഹിക്കേണ്ടതാണ്. ചില പ്രത്യേക സാഹചര്യങ്ങളിൽ, വരുന്നവരുടെ ക്വാറന്റീൻ ചെലവുകൾ അയാൾ ജോലി ചെയ്യുന്ന കമ്പനികളും വഹിക്കണം.

അംഗീകൃത ലബോറട്ടറികളിൽ നിന്ന് കോവിഡ് –19 നെഗറ്റീവാണെന്ന സർടിഫിക്കറ്റ് കരസ്ഥമാക്കിയവർക്ക് മാത്രമേ യുഎഇയിലേയ്ക്ക് തിരിച്ചെത്തുവാൻ കഴിയു . ലോകത്തെ 17 രാജ്യങ്ങളിലെ 106 നഗരങ്ങളിൽ തെരഞ്ഞെടുക്കപ്പെട്ടിട്ടുള്ള അംഗീകൃത ലബോറട്ടറികളിൽ നിന്ന് പരിശോധിച്ച കോവിഡ് നെഗറ്റിവ് സർട്ടിഫിക്കറ്റ് ഹാജരാക്കണം . ഇന്ത്യയിൽ നിന്നും ദുബായ്, അബുദാബി, ഷാർജ എന്നിവിടങ്ങളിലേക്ക് വരുന്നവർ സർക്കാർ അംഗീകരിച്ച ലാബിൽ നിന്ന് പിസിആർ ടെസ്റ്റ് ചെയ്ത് കോവിഡ് നെഗറ്റീവ് സർട്ടിഫിക്കറ്റ് നൽകണം. ഇത് യാത്രയ്ക്ക് 96 മണിക്കൂറിനുള്ളിൽ ഉള്ളതും ആയിരിക്കണം

യുഎഇയില്‍ തിരിച്ചെത്തുന്നവർ നിർബന്ധമായും തങ്ങളുടെ മൊബൈൽ ഫോണുകളിൽ സൗജന്യ അൽ ഹൊസൻ ആപ്പ് (Al Hosn app) ഡൗൺലോഡ് ചെയ്തിരിക്കണം. പൊതുസുരക്ഷ മാനിച്ച് ക്വാറന്റീനിലിരിക്കുന്നവരുടെ ചലനങ്ങൾ അധികൃതർക്ക് മനസിലാക്കുന്നതിന് വേണ്ടിയാണ്.

എമിറേറ്റ്സ്, എത്തിഹാദ്, എയർ അറേബ്യ, ഫ്ലൈ ദുബായ് തുടങ്ങിയ വിമാന കമ്പനികൾ ഒാഗസ്റ്റ് ഒന്നു മുതൽ 60 സർവീസ് നടത്താനുള്ള ഒരുക്കങ്ങൾ പൂർത്തിയായി. രാജ്യാന്തര വിമാനങ്ങൾക്ക് പ്രവേശനം അനുവദിക്കുകയാണെങ്കിൽ ഇന്ത്യയിലേയ്ക്കും സർവീസുണ്ടാകുമെന്നാണ് അറിയുന്നത്. തിരിച്ചുവരുന്നതിന് മുൻപ് കോവിഡ് 19 നെഗറ്റീവ് സർടിഫിക്കറ്റ് അടക്കം യുഎഇയിലെ നിയമങ്ങളും നിബന്ധനകളും മനസിലാക്കണമെന്ന് അധികൃതർ ആവർത്തിച്ച് ഒാർമിപ്പിച്ചു. 70 വയസു കഴിഞ്ഞവർക്ക് യാത്രാ വിലക്ക് ഉണ്ട്

യുഎഇയിൽ ഏറ്റവും കുറഞ്ഞ ചെലവിൽ കോവിഡ് ആന്റിബോഡി പരിശോധന നടത്താനുള്ള സൗകര്യം തുമ്പൈ ലാബ്സിൽ ഒരുക്കിയിട്ടുണ്ട്. ദുബായ് ഹെൽത്ത് അതോറിറ്റി അംഗീകാരമുള്ള ടെസ്റ്റിന് 200 ദിർഹം മാത്രമാണ് ഈടാക്കുക. മൂന്നു മണിക്കൂറിനുള്ളിൽ ഫലവും അറിയാം.എമിറേറ്റ്സ് ഐഡിയോ പാസ്പോർട്ടോ ഹാജരാക്കി രാവിലെ 9 മുതൽ വൈകുന്നേരം 6 വരെ ഈ സൗകര്യം ഉപയോഗപ്പെടുത്താം .0460305555 എന്ന നമ്പരിലോ 0566806455 എന്ന വാട്സാപ്പ് നമ്പരിലോ ബുക്ക് ചെയ്യാനുള്ള സൗകര്യവുമുണ്ട്