ടെക്സസിനെ പിടിച്ച് കുലുക്കി ഹന്ന കൊടുങ്കാറ്റ് ; കോവിഡിൽ വിറച്ച സംസ്ഥാനത്തിന് മറ്റൊരു ഭീഷണികൂടി
കൊറോണ വൈറസിന് പിന്നാലെ ഹന്ന കൊടുങ്കാറ്റു കൂടി എത്തിയതോടെ ടെക്സസ് സംസ്ഥാനം ഭീതിയില്. പുതിയ കൊറോണ വൈറസ് കേസുകളുടെ ഏകദിന റെക്കോര്ഡ് തകര്ന്നതിനു തൊട്ടുപിന്നാലെയാണ് കൊടുങ്കാറ്റുകളുടെ വരവ് സ്ഥിരീകരിച്ചത്. ശനിയാഴ്ച രാവിലെ തെക്കന് ടെക്സസില് വീശിയടിച്ച ചുഴലിക്കാറ്റ് കോര്പ്പസ് ക്രിസ്റ്റി പരിസര പ്രദേശങ്ങളില് കഠിനമായ കാറ്റും മഴയും വരുത്തി. ഉഷ്ണമേഖലാ കൊടുങ്കാറ്റില് നിന്ന് കാറ്റഗറി 1-ലേക്കു മാറിയ ഹന്ന ചുഴലിക്കാറ്റ് ശനിയാഴ്ച രാവിലെ മുതല് ടെക്സസ് തീരത്തെ തകര്ക്കുമെന്ന് പ്രതീക്ഷിച്ചിരുന്നു. കോര്പ്പസ് ക്രിസ്റ്റിക്ക് സമീപമുള്ള തീരപ്രദേശത്തിന് വെള്ളിയാഴ്ച രാത്രി മുതല് മുന്നറിയിപ്പ് നല്കിയിരുന്നു. കൊടുങ്കാറ്റ് മുന്നറിയിപ്പ് ഹൂസ്റ്റണിന് 75 മൈല് തെക്ക് വടക്കോട്ട് വരെ വ്യാപിച്ചിട്ടുണ്ട്
അറ്റ്ലാന്റിക്കിലെ ഈ സീസണിലെ ആദ്യ ചുഴലിക്കാറ്റാണിത്. രാജ്യത്തെ വിവിധ സംസ്ഥാനങ്ങളില് കൊറോണ വൈറസ് കേസുകള് വർധിച്ചുകൊണ്ടിരിക്കുന്നതിനിടയിലാണ് പുതിയ ഭീഷണി. കോര്പ്പസ് ക്രിസ്റ്റി ഉള്പ്പെടുന്ന ന്യൂസെസ് കൗണ്ടിയില് ഏകദേശം 362,000 ആളുകള് താമസിക്കുന്നുണ്ട്. ഓരോ ദിവസവും ഇവിടെ റിപ്പോര്ട്ട് ചെയ്യപ്പെടുന്ന വൈറസ് കേസുകളുടെയും മരണങ്ങളുടെയും എണ്ണം കഴിഞ്ഞ ചില ആഴ്ചകളായി വർധിച്ചുവരികയാണ്. ഇതോടെ, ബീച്ച് നഗരത്തിലേക്ക് ഒഴുകിയെത്തുന്ന സന്ദര്ശകരുടെ എണ്ണത്തില് വ്യാപകമായ കുറവുണ്ടെങ്കിലും രോഗികളുടെ എണ്ണം റെക്കോഡിലാണ്.
https://www.facebook.com/Malayalivartha