ഈ വിയോഗം താങ്ങാവുന്നതിനുമപ്പുറം... കോവിഡ് രോഗികള്ക്ക് സഹായമെത്തിക്കാന് ഖത്തറില് ഓടിനടന്നു; ഒടുവില് റഹീം മരണത്തിന് കീഴടങ്ങിയപ്പോൾ പ്രവാസലോകത്തിന് കണ്ണീരായി തലശ്ശേരി സ്വദേശിയായ റഹിം
പ്രവാസലോകത്തിന് കണ്ണീരായി മാറുകയാണ് തലശ്ശേരി സ്വദേശിയായ റഹിം. പ്രവാസലോകത്ത് കോവിഡ് ദുരിതബാധിതര്ക്ക് സഹായഹസ്തമായിരുന്ന അബ്ദുല് റഹിം കോവിഡിന് മുന്നില് കീഴടങ്ങിയതോടെ ഈ വിയോഗം താങ്ങാവുന്നതിനുമപ്പുറമായിരിക്കുകയാണ്.
സാമൂഹിക പ്രവര്ത്തകന് ആയിരുന്ന ഇദ്ദേഹത്തിന് 47 വയസ് ആയിരുന്നു. തലശ്ശേരി സ്വദേശിയായ റഹിം ഖത്തറില് കോവിഡ് ബാധിതര്ക്ക് സഹായമെത്തിക്കാന് സജീവമായി രംഗത്തുണ്ടായിരുന്നു. ഐസൊലേഷന് കേന്ദ്രത്തില് വെച്ചാണ് റഹിം മരണത്തിന് കീഴടങ്ങിയത്.
ഇന്കാസ് തലശ്ശേരി മണ്ഡലം പ്രസിഡന്റ് ആയിരുന്ന റഹീം സാമൂഹിക രംഗത്ത് സജീവമായിരുന്നു.
മഹാമാരി ഖത്തറിലെ പ്രവാസലോകത്തെയും ബാധിച്ചപ്പോള് രോഗ ബാധിച്ചവര്ക്കും കോവിഡ് വ്യാപനം മൂലം മറ്റ് ബുദ്ധിമുട്ടുകള് അനുഭവിക്കേണ്ടി വന്നവര്ക്കും റഹീം സഹായവുമായെത്തി.
കോവിഡ് പോസിറ്റീവ് ആണെന്ന് സ്ഥിരീകരിച്ചതിനെ തുടര്ന്ന് ബിന്മഹ്മൂദില് സര്ക്കാര് ക്വാറന്റീന് കേന്ദ്രത്തില് ആയിരുന്നു.
കഴിഞ്ഞദിവസം ശ്വാസതടസം അനുഭവപ്പെട്ടതിനെ തുടര്ന്ന് മുമ്ബ് ഇന്ഡസ്ട്രിയല് ഏരിയയിലെ ഹസം മുബൈറക് കോവിഡ് ആശുപത്രിയില് പ്രവേശിപ്പിച്ചു. പക്ഷേ, ഒടുവില് റഹീം മരണത്തിനു കീഴടങ്ങുകയായിരുന്നു.
കോവിഡ് പ്രോട്ടോക്കോള് അനുസരിച്ച് മൃതദേഹം ദോഹയില് തന്നെ ഖബറടക്കുമെന്ന് ഖത്തര് കെഎംസിസി മയ്യിത്ത് പരിപാലന കമ്മിറ്റി അറിയിച്ചു.
https://www.facebook.com/Malayalivartha
