നിങ്ങളുടെ വീട്ടിലോ അല്ലെങ്കിൽ നിങ്ങൾ ഉപയോഗിക്കുന്ന എന്തെങ്കിലും വസ്തുക്കളിലോ ഒരു പക്ഷി കൂടുണ്ടാക്കിയാൽ അതിനെ ശല്യപ്പെടുത്തരുത്. ലോകത്തിലെ തന്നെ ഒരു അലിഖിത നിയമമാണ് അത്. ഇപ്പോഴിതാ ഈ നിയമം പാലിച്ച് ദുബായ് കിരീടാവകാശിയും.

ബെൻസ് കാറിന് മുകളിൽ കൂടുകൂട്ടിയ പക്ഷി അടുത്തിടെ സമൂഹ മാധ്യമങ്ങളിൽ വൈറൽ ആയിക്കഴിഞ്ഞതാണ് . ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം ഉപയോഗിക്കുന്ന ഏകദേശം രണ്ടര കോടി രൂപ വിലയുള്ള മെഴ്‌സിഡസ്- എഎംജി ജി63 എസ്‌യുവിയുടെ ബോണറ്റിലാണ് പക്ഷി മുട്ടയിട്ട് അടയിരിക്കാൻ ആരംഭിച്ചത്. തികഞ്ഞ പ്രകൃതി സ്‌നേഹികൂടിയായ ഫാസ എന്ന വിളിപ്പേരുള്ള ദുബായ് കിരീടാവകാശി തന്റെ പ്രിയപ്പെട്ട ബെൻസ് ഉപയോഗിക്കാതെ പക്ഷിയ്ക്ക് അടയിരിക്കാൻ സൗകര്യം ഒരുക്കിയതോടെയാണ് വാർത്തകളിൽ ഇടം പിടിച്ചത്

മുട്ടയ്ക്ക് അടയിരിക്കുന്ന പക്ഷികളെ ശല്യപ്പെടുത്താതിരിക്കാൻ വാഹനം ഉപയോഗിക്കുന്നത് അദ്ദേഹം പൂർണമായും ഒഴിവാക്കി. പക്ഷികളുടെ സുരക്ഷ ഉറപ്പാക്കാൻ വാഹനത്തിനു ചുറ്റും റെഡ് ടേപ്പ് സ്ഥാപിച്ചു

ദുബായ് കിരീടാവകാശി ഷെയ്ഖ് ഹംദൻ ബിൻ മൊഹമ്മദ് ബിൻ റാഷിദ് അൽ മക്തൂംആണ് തന്റെ കാർ കിളികൾക്കായി വിട്ടു നൽകിയത് . ലോകമെങ്ങുമുള്ള ആളുകൾ കിരീടാവകാശിയുടെ നല്ല മനസ്സിനെ അഭിനന്ദിക്കുകയാണ്.

അദ്ദേഹത്തിന്റെ മെഴ്സിഡസ് എസ് യുവിയുടെ വിൻഡ് ഷീൽഡിലാണ് പക്ഷികൾ കൂടു കൂട്ടിയത്. എന്നാൽ, പക്ഷികളെ ശല്യപ്പെടുത്താതെ ഇരിക്കാൻ കാർ ഉപയോഗിക്കുന്നത് തന്നെ അദ്ദേഹം നിർത്തി. മുട്ട വിരിഞ്ഞ് പുറത്തിറങ്ങിയ പക്ഷിക്കുഞ്ഞുങ്ങളെയും വീഡിയോയിൽ കാണാം.

10 മില്യണിലധികം ഫോളോവേഴ്‌സുള്ള ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിൻ്റെ faz3 എന്ന് പേരുള്ള ഇൻസ്റ്റഗ്രാം അക്കൗണ്ടിലൂടെ പുറത്തുവിട്ട വീഡിയോയ്ക്ക് 24 മണിക്കൂറിനകം 1.5 മില്യണിലധികം വ്യൂസ് ആണ് ലഭിച്ചിരിക്കുന്നത്. 30,000-ൽ അധികം ലൈക്കുകളും നേടി മുന്നേറുകയാണ് ഫാസയുടെ വീഡിയോ.

കാറിൽ നിന്നും പക്ഷിയെ ഇറക്കിവിടാതിരിക്കുകയും പിന്നീട് വീഡിയോ പോസ്റ്റ് ചെയ്‌തുകയും ചെയ്ത ദുബായ് കിരീടാവകാശിയുടെ പ്രവർത്തിയെ അനുമോദിച്ച് ധാരാളം പേരാണ് ഇൻസ്റ്റാഗ്രാം പോസ്റ്റിന് കീഴെ അഭിനന്ദനം  അറിയിക്കുന്നത്. "ചെറിയ ഒരു കാര്യത്തിന് പോലും ഇത്രയും ശ്രദ്ധയും നൽകുന്ന നിങ്ങൾക്ക് സ്വർണം കൊണ്ടുള്ള ഹൃദയമാണ്" ഒരു വ്യക്തി കുറിച്ചു. "ഈ വീഡിയോ എന്റെ ഇന്നത്തെ ദിവസം മനോഹരമാക്കി" എന്നൊരാൾ അഭിപ്രായം പ്രകടിപ്പിച്ചപ്പോൾ "ഇരട്ടകുട്ടികളാണല്ലോ? മനോഹരം" എന്നാണ് മൂന്നാമൊതൊരു വ്യക്തിയുടെ പ്രതികരണം.