കൊല്ലം സ്വദേശി ഒമാനിൽ നിര്യാതനായി. ശക്​തികുളങ്ങര സ്വദേശി രാജേന്ദ്രൻ പിള്ളയാണ്​ (55) റുസ്താഖിൽ ഉറക്കത്തിൽ മരണപ്പെട്ടത്​. 27വർഷമായി പ്രവാസജീവിതം നയിക്കുന്ന ഇദ്ദേഹം റുസ്താഖിൽ സ്വന്തമായി ഗാരേജ്‌ നടത്തി വരികയായിരുന്നു.

വ്യാഴാഴ്​ച രാത്രി ഉറങ്ങാൻ കിടന്ന ഇദ്ദേഹം വെള്ളിയാഴ്​ച രാവിലെ എഴുന്നേൽക്കാതിരുന്നതിനെ തുടർന്ന്​ സുഹൃത്തുക്കൾ ചെന്നുനോക്കുമ്പോഴാണ്​ മരിച്ച നിലയിൽ കണ്ടെത്തിയത്​. മൃതദേഹം നാട്ടിലേക്ക്​ അയക്കാനുള്ള നടപടികൾ നടന്നുവരുന്നു.