ജിയോയുടെ ഫൈബര് ആസ്തിയില് സൗദി അറേബ്യ ഒരു ബില്ല്യണ് ഡോളറിന്റെ ,അതായത് ഏകദേശം 7500 കോടി രൂപ നിക്ഷേപം നടത്താനൊരുങ്ങുന്നു . വിഷയത്തില് സൗദിയുടെ സോവറിന് വെല്ത്ത് ഫണ്ടായ പബ്ലിക് ഇന്വെസ്റ്റ്മെന്റ് ഫണ്ടും(പിഐഎഫും), റിലയന്സ് ഇന്ഡസ്ട്രീസുമായി ചര്ച്ച ആരംഭിച്ചു
ജിയോയുടെ ഫൈബര് ആസ്തിയില് സൗദി അറേബ്യ ഒരു ബില്ല്യണ് ഡോളറിന്റെ ,അതായത് ഏകദേശം 7500 കോടി രൂപ നിക്ഷേപം നടത്താനൊരുങ്ങുന്നു . വിഷയത്തില് സൗദിയുടെ സോവറിന് വെല്ത്ത് ഫണ്ടായ പബ്ലിക് ഇന്വെസ്റ്റ്മെന്റ് ഫണ്ടും(പിഐഎഫും), റിലയന്സ് ഇന്ഡസ്ട്രീസുമായി ചര്ച്ച ആരംഭിച്ചു. ജിയോ പ്ലാറ്റ്ഫോമില് നിന്ന് ഓഹരി വാങ്ങുന്നതിന്റെ ഭാഗമായാണ് നീക്കം. റിലയന്സിന്റെ ജിയോ പ്ലാറ്റ്ഫോമില് 11,637 കോടിയുടെ നിക്ഷേപം നടത്തുമെന്ന് പിഐഎഫ് നേരത്തെ പ്രഖ്യാപിച്ചിരുന്നു.
പാന്-ഇന്ത്യ ഫൈബര് അസറ്റില് ഒരു ബില്ല്യണ് നിക്ഷേപിക്കുക എന്ന ലക്ഷ്യത്തോടെ, സൗദിയുടെ എതിരാളികളായ അബുദാബി ഇന്വെസ്റ്റ്മെന്റ് അതോറിറ്റി(എഡിഐഎ) ജിയോയുള്ള ചര്ച്ചകള് പുനരാരംഭിച്ചതിന് പിന്നാലെയാണ് സൗദിയുടെ പുതിയ നീക്കം.
നിലവില് 300 ബില്ല്യണ് ഡോളറിന്റെ പോര്ട്ഫോളിയോ പുനക്രമീകരിക്കുന്ന നീക്കങ്ങളാണ് പിഐഎഫ് നടത്തുന്നത്. സിലിക്കണ് വാലി, ബിഗ് ഓയില്, ഏവിയേഷന് ബെറ്റ് എന്നിവയില് നിന്ന് മികച്ച ലാഭം നേടുമ്പോള്, ഇംഗ്ലീഷ് പ്രീമിയര് ലീഗ് ക്ലബ്ബ് നിക്ഷേപങ്ങളില് പിന്മാറാനാണ് പിഐഎഫിന്റെ നീക്കം. ആഗോള ഓഹരിയില് ആദ്യ ക്വാര്ട്ടറില് പിഐഎഫ് 7.7 ബില്ല്യണ് ഡോളര് നിക്ഷേപിച്ചതായി റിപ്പോര്ട്ടുകളുണ്ട്. പിഐഎഫും എഡിഐഎയും ജിയോ പ്ലാറ്റ്ഫോമില് 2.2 ബില്ല്യണ് ഡോളറിന്റെ നിക്ഷേപമായിരിക്കും നടത്തുക.
റിലയന്സിന്റെ റിഫൈനിംഗ് ആന്റ് പെട്രോകെമിക്കല് ബിസിനസില് നിക്ഷേപം നടത്താന് സൗദി അരംകോ ഇതിനകം ചര്ച്ചകള് തുടങ്ങിയതായി റിലയന്സിന്റെ വക്താക്കളിലൊരാള് വ്യക്തമാക്കി. വില്ക്കുന്നയാളും വാങ്ങുന്നയാളും എന്നതിനപ്പുറമായി സൗദി കിരീടാവകാശി മുഹമ്മദ് ബിന് സല്മാനും (ആര്ഐഎല് ചെയര്മാന്) മുകേഷ് അംബാനിയും തന്ത്രപ്രധാനമായി തങ്ങളുടെ ബന്ധം ഉറപ്പിക്കാന് ആഗ്രഹിക്കുന്നതായും ഇദ്ദേഹം പറഞ്ഞു.
ഇവരെകൂടാതെ അബുദാബി ഇന്വെസ്റ്റ്മെന്റ് അതോറിറ്റി(എഡിഐഎ)യും സമാനമായ തുക നിക്ഷേപം നടത്തിയേക്കുമെന്നും സൂചനയുണ്ട്. ജിയോയുടെ ഫൈബര് മേഖലയിലായിരിക്കും ഇരുകമ്പനികളും നിക്ഷേപം നടത്തുക......
നിലവില് ഒരു ഡസനിലേറെ വിദേശ കമ്പനികള്ക്കായി ജിയോയില് 32.97ശതമാനം ഉടമസ്ഥതാവകാശമുണ്ട്. ഫേസ്ബുക്കിന് 9.99ശതമാനവും ഗൂഗിളിന് 7.73ശതമാനവുമാണിത്. അതായത് 1,52,056 കോടി രൂപയാണ് ഇതുവരെ ജിയോയിലെത്തിയ വിദേശ നിക്ഷേപം......
ഫേസ്ബുക്ക്, ഗൂഗിള് എന്നിവയെക്കൂടാതെ സില്വര് ലേയ്ക്ക്, വിസ്റ്റ, ജനറല് അറ്റ്ലാന്റിക്, കെകെആര്, മുബാദല, അബുദാബി ഇന്വെസ്റ്റ്മെന്റ് അതോറിറ്റി, ഇന്റല് ക്യാപിറ്റല്, ക്വാല്കോം തുടങ്ങിയ കമ്പനികളാണ് ഇത്രയുംതുക നിക്ഷേപം നടത്തിയത്......
https://www.facebook.com/Malayalivartha
