നാട്ടില് കുടുങ്ങിയ പ്രവാസികളുടെ റീ എന്ട്രി കാലാവധി നീട്ടി നല്കുമെന്ന് സൗദി
നാട്ടില് കുടുങ്ങിയ പ്രവാസികളുടെ റീ എന്ട്രി കാലാവധി നീട്ടി നല്കുമെന്ന് സൗദി ജവാസാത്ത് വിഭാഗം അറിയിച്ചു. അന്താരാഷ്ട്ര വിമാന സര്വീസുകള് ആരംഭിക്കാത്ത പശ്ചാത്തലത്തില് ആണ് പ്രവാസികളുടെ റീ എന്ട്രിയും ഫൈനല് എക്സിറ്റും നാഷണല് ഇന്ഫര്മേഷന് സെന്ററുമായി സഹകരിച്ച് സ്വമേധയാ നീട്ടിനല്കാനുള്ള നടപടികള് എടുക്കുന്നതെന്നു ജവാസാത്ത് അറിയിച്ചു
നാട്ടില് പോകാന് എക്സിറ്റ് അടിച്ച് വിമാനം ലഭിക്കാത്തത് കാരണം കാലാവധി അവസാനിക്കുന്ന എക്സിറ്റ് വിസാ കാലാവധിയും നീട്ടി നല്കും. വിമാന സര്വീസുകള് ഉടന് തുടങ്ങുമെന്ന പ്രതീക്ഷയിലാണ് സൗദിയിലും നാട്ടിലുമുള്ള പ്രവാസികള്.
നാട്ടില് പോയി വിമാന സര്വീസ് ഇല്ലാത്തത് കാരണം പലരുടേയും റീ എന്ട്രി വിസാ കാലാവധി അവസാനിക്കുന്നുണ്ട്. ഈ സാഹചര്യത്തിലാണ് ഒരു ചോദ്യത്തിന് മറുപടിയായി ട്വിറ്ററില് ജവാസാത്ത് ഇക്കാര്യം വ്യക്തമാക്കിയത്.
സൗദിയിലേക്ക് മടങ്ങാനുള്ള റീ എന്ട്രി വിസയുടെ കാലാവധി നീട്ടി നല്കും. ഇതിനുള്ള ഒരുക്കങ്ങള് നടക്കുന്നുണ്ട്. ഇതോടെ വിമാന സര്വീസ് തുടങ്ങുന്ന മുറക്ക് ആളുകള്ക്ക് സൗദിയിലേക്ക് തിരിച്ചെത്താം.
റീ എന്ട്രി കാലാവധി രണ്ടാഴ്ച മുമ്പ് അവസാനിച്ചവര്ക്കും ഈ ആനുകൂല്യം ലഭിക്കുമെന്ന് ജവാസാത്തിന്റെ അറിയിപ്പിലുണ്ട്.
വിദേശത്തുള്ളവരുടെ റീ എന്ട്രിയും ഇഖാമയും മൂന്നു മാസത്തേക്ക് നീട്ടിനല്കിയിട്ടുണ്ടെന്നും ഇനി നീട്ടിനല്കുമോ എന്ന കാര്യം പിന്നീട് അറിയിക്കുമെന്നുമായിരുന്നു നേരത്തെ ജവാസാത്ത് പറഞ്ഞിരുന്നത്
https://www.facebook.com/Malayalivartha
