നാട്ടിൽ വ്യാജ ജോത്സ്യന്മാരുടെ വാർത്തകൾ പുറത്ത് വരുന്നത് നിരവധിയാണ്. എത്ര വാർത്ത വന്നാലും മലയാളികൾ പഠിക്കില്ല എന്നതാണ് യാഥാർഥ്യം. ഇപ്പോഴിതാ അത്തരത്തിലുള്ള ഒരു വാർത്തയാണ് പുറത്ത് വരുന്നത്. വിദേശത്ത് നേഴ്സായി ജോലി ചെയ്തിരുന്ന യുവതിയെ ചൂഷണംചെയ്ത സംഭവത്തിൽ യുവാവ് പോലീസ് പിടിയിലായി. ഭർത്താവുമായി പിണങ്ങിയതിനെ തുടർന്ന് വിദേശത്ത് യുവതി കഴിയുകയായിരുന്നു. സംഭവവുമായി ബന്ധപ്പെട്ട് വെള്ളാങ്കല്ലൂർ സ്വദേശി ശ്യാം കുമാറിനെയാണ് യുവതി പരിചയപ്പെട്ടത്. താൻ ജോത്സ്യനാണെന്നാണ് ഇയാൾ യുവതിയെ ധരിപ്പിച്ചിരുന്നത്. ഭർത്താവുമായി ഉടൻതന്നെ വിവാഹമോചനത്തിനും ഇയാൾ നിർബന്ധിക്കുകയുമുണ്ടായി. ഭർത്താവിന്റെയും യുവതിയുടെയും ജാതകം തമ്മിൽ പൊരുത്തമില്ലെന്ന് പറയുകയും ഇതിനെ തുടർന്ന് നാട്ടിലെത്തിയ യുവതി ഭർത്താവുമായി ഉള്ള ബന്ധം വേർപെടുത്താൻ ഉള്ള ശ്രമം നടത്തി.

ശേഷം യുവതിയെ വിവാഹം കഴിക്കാമെന്ന് യുവതിക്ക് ശ്യാം വാഗ്ദാനം നൽകുകയുണ്ടായി. അതിന്റെ അടിസ്ഥാനത്തിൽ പലപ്പോഴായി യുവതിയിൽ നിന്നും പണം കടം വാങ്ങുകയും ചെയ്തിരുന്നു. ഏകദേശം 14 ലക്ഷം രൂപയോളം തന്റെ പക്കൽ നിന്നും കൈക്കലാക്കിയെന്നാണ് യുവതി നൽകിയ മൊഴി. എന്നാൽ പിന്നീട് വിവാഹം കഴിക്കുന്നതിൽ നിന്നും ഇയാൾ പിന്മാറുകയുമായിരുന്നു. ചതിക്കപ്പെട്ടുവെന്ന് കണ്ടതിനെ തുടർന്നാണ് യുവതി ഉടനെതന്നെ ഇരിങ്ങാലക്കുട ഡിവൈഎസ്പി വർഗീസിന് പരാതി നൽകിയത്. യുവതി പോലീസിനെ സമീപിച്ചതായി മനസ്സിലായതിനെ തുടർന്ന് ശ്യാം ബാംഗ്ലൂരിലേക്ക് മുങ്ങുകയായിരുന്നു. എന്നാൽ വീട്ടുകാരെ കാണുന്നതിനായി പ്രതി നാട്ടിലെത്തിയപ്പോൾ പോലീസ് കയ്യോടെ പിടികൂടുകയായിരുന്നു.

യുവതിയുമായി 2018 ലാണ് ശ്യാം ഫേസ്ബുക്കിലൂടെ പരിചയപ്പെടുന്നത്. നടന്ന സംഭവങ്ങൾ ഭർത്താവിനോട് തുറന്ന് പറഞ്ഞതിനെ തുടർന്ന് രണ്ടു കുട്ടികളുടെ മാതാവായ യുവതിയെ ഭർത്താവ് സ്വീകരിച്ചു. പണം അക്കൗണ്ട് വഴി കൈമാറിയിരുന്നതിനാൽ പ്രതിക്കെതിരെ പോലീസിന് കൂടുതൽ തെളിവുകളും ലഭിച്ചു. ഇത്തരത്തിൽ യുവാവ് മറ്റേതെങ്കിലും സ്ത്രീകളെ പറ്റിച്ചിട്ടുണ്ടോയെന്നുള്ള കാര്യത്തിലും പോലീസ് അന്വേഷണം നടത്തിവരികയാണ്.