പ്രവാസികളുടെ പ്രത്യേക ശ്രദ്ധയ്ക്ക്..... നാളെയാണ് അവസാനദിനം.... ശ്രദ്ധിച്ചില്ലെങ്കിൽ കുരുക്ക് ആകും എന്ന കാര്യം മറക്കാതിരിക്കുക... മാർച്ച് ഒന്നിനുശേഷം സന്ദർശക, ടൂറിസ്റ്റ് വിസാ കാലാവധി തീർന്നവർ പിഴ കൂടാതെ സ്വന്തം നാടുകളിലേക്ക് മടങ്ങാനുള്ള സമയപരിധി സെപ്റ്റംബർ 11-ന് വെള്ളിയാഴ്ച അവസാനിക്കും. പുതിയ വിസയിലേക്ക് മാറുകയോ അതല്ലെങ്കിൽ വേഗത്തിൽ രാജ്യം വിടുകയോ വേണമെന്ന് അധികൃതർ മുന്നറിയിപ്പ് നൽകി കഴിഞ്ഞു..

സമയപരിധി പലതവണ സർക്കാർ നീട്ടി നൽകിയിരുന്നു. വിസാ കാലാവധി കഴിഞ്ഞവർക്ക് ഓഗസ്റ്റ് 11 മുതൽ ഒരു മാസംകൂടി നീട്ടി നൽകിയ കാലാവധിയാണ് ഇപ്പോൾ അവസാനിക്കുന്നത്. ഇക്കാലയളവിൽ പിഴയൊടുക്കാതെ ഇവർക്ക് സ്വദേശത്തേക്ക് മടങ്ങുവാൻ സാധിക്കും..

അതല്ലെങ്കിൽ അധികം താമസിക്കുന്ന ഓരോ ദിവസത്തിനും നൂറ് ദിർഹം വീതം പിഴ ഈടാക്കുമെന്ന തീരുമാനമാണ് എടുത്തിരിക്കുന്നത്. യു.എ.ഇ. ഫെഡറൽ അതോറിറ്റി ഫോർ ഐഡന്റിറ്റി ആൻഡ് സിറ്റിസൺഷിപ്പാണ് ഉത്തരവ് പുറപ്പെടുവിച്ചിരിക്കുന്നത്.

യു.എ.ഇ.യിൽ പ്രഖ്യാപിച്ച പൊതുമാപ്പിന് തുല്യമായ ആനുകൂല്യം ഒട്ടേറെപേരാണ് പ്രയോജനപ്പെടുത്തുന്നത്. മാർച്ച് ഒന്നിന് മുൻപ് വിസ കാലാവധി കഴിഞ്ഞവർ നവംബർ 17-ന് മുൻപ് രാജ്യം വിട്ടാൽ മതിയാകും. ഏതായാലും ഈ കാര്യം ഓർമ്മയിൽ വച്ചിരിക്കണം.